|    Sep 21 Fri, 2018 10:00 pm
FLASH NEWS

ചരിത്രത്തിലേക്ക് മിഴിതുറന്ന് ‘നൊസ്റ്റാള്‍ജിയ’

Published : 27th May 2018 | Posted By: kasim kzm

കോഴിക്കോട്: കേരള ചരിത്രത്തിലേക്ക് വെളിച്ചം വീശുന്ന ചിത്രപ്രദര്‍ശനം ‘നൊസ്റ്റാള്‍ജിയ’ ശ്രദ്ധേയമാവുന്നു. ചരിത്രം തുടിക്കുന്ന തുറമുഖങ്ങളുടെയും നൂറ്റാണ്ടുകള്‍ മുന്‍പത്തെ കേരളീയ ജനജീവിതത്തെയും കാന്‍വാസിലേക്ക് പകര്‍ത്തി പാളയം വി എന്‍ എം ആര്‍ട്ട്് ഗ്യാലറിയില്‍ ചിത്രകാരന്‍ ശിവശങ്കറാണ് പ്രദര്‍ശനം നടത്തുന്നത്. മുസ്‌രിസ്, കൊച്ചി മറൈന്‍ ഡ്രൈവ്്, മട്ടാഞ്ചേരി തെരുവ്, ആലുവ മണല്‍പുറം, സിഎംഎസ് സെമിനാരി എന്നിവയുടെയെല്ലാം നൂറ്റാണ്ടുകള്‍ മുന്‍പത്തെ ചരിത്രം പാശ്ചാത്തലമാക്കി വരച്ച ചിത്രങ്ങള്‍ ഏറെ ആകര്‍ഷകമാണ്.
നൂറ്റാണ്ടുകള്‍ മുന്‍പത്തെ മാറു മറക്കാത്ത മലയാളി മങ്കമാരും മാറു മറച്ച് ആഭരണം അണിഞ്ഞ മലബാറി സ്ത്രീയുമെല്ലാം പഴയകാലത്ത് മലയാള നാട്ടില്‍ സ്ത്രീകളുടെ വസ്ത്രധാരണം എങ്ങനെയായിരുന്നുവെന്ന് കാണിച്ച്് തരുന്നു.
ഇതുകൂടാതെ, വാഹനങ്ങള്‍ വ്യാപകമാവാത്ത കാലത്തെ കൈവണ്ടിയും കുതിരവണ്ടിയും പഴയ മോഡല്‍ കാറുമെല്ലാം ശിവശങ്കരന്‍ മനോഹരമായി വരച്ചിട്ടുണ്ട്്. മലബാറിലെ അന്നത്തെ അടുക്കള, കളരി അഭ്യാസം, തിരുവനന്തപുരത്തെ ശ്രീപത്മനാഭ സ്വാമി ക്ഷേത്രം തുടങ്ങിയവയുടെ ചിത്രീകരണവും പ്രദര്‍ശനത്തിലുണ്ട്്. കൊടുങ്ങല്ലൂര്‍ സ്വദേശിയായ ശിവശങ്കരന്‍ കേരളത്തിനകത്തും പുറത്തും ഒട്ടേറെ പ്രദര്‍ശനങ്ങള്‍ സംഘടിപ്പിച്ചിട്ടുണ്ട്. പ്രദര്‍ശനം ജൂണ്‍ അഞ്ചിന് സമാപിക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss