|    Oct 17 Tue, 2017 6:49 pm
FLASH NEWS
Home   >  Todays Paper  >  page 9  >  

ഘാന: പ്രകൃതിവാതക ശാലയില്‍ സ്‌ഫോടനം; ആറു മരണം

Published : 9th October 2017 | Posted By: fsq

 

ആക്ര: ഘാന തലസ്ഥാനമായ ആക്രയില്‍ പ്രകൃതിവാതക സംഭരണശാലയിലുണ്ടായ സ്‌ഫോടനത്തില്‍ ആറുപേര്‍ കൊല്ലപ്പെട്ടു. 35 പേര്‍ക്കു പരിക്കേറ്റു. സംഭരണശാലയില്‍ രണ്ടു സ്‌ഫോടനങ്ങള്‍ ഉണ്ടായതായും പരിക്കേറ്റവരില്‍ ഭൂരിഭാഗത്തിനും ഗുരുതരമായി പൊള്ളലേറ്റതായും അഗ്നിശമന സേനാവൃത്തങ്ങള്‍ അറിയിച്ചു. ശനിയാഴ്ച വൈകീട്ടോടെ ഉണ്ടായ സ്‌ഫോടനത്തില്‍ വന്‍ തീഗോളങ്ങള്‍ അന്തരീക്ഷത്തിലേക്ക് ഉയരുകയായിരുന്നു. പ്രദേശത്തെ ഭീതിതരായ ജനങ്ങള്‍ വീടുവിട്ടിറങ്ങി. സര്‍ക്കാര്‍ ഉടമസ്ഥതയിലുള്ള ഗോയില്‍ പ്രകൃതിവാതക സംഭരണ ശാലയിലാണ് സ്‌ഫോടനം. തുടര്‍ന്ന്് നഗരത്തിന്റെ പല ഭാഗത്തേക്കും തീപടരുകയായിരുന്നു. ജനത്തിരക്കേറിയ ഭാഗത്താണ് തീപ്പിടിത്തമുണ്ടായതെന്നും മരണനിരക്ക് കൂടാന്‍ സാധ്യതയുണ്ടെന്നും അധികൃതര്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക