|    Oct 23 Tue, 2018 9:23 pm
FLASH NEWS
Home   >  Todays Paper  >  page 7  >  

ഗൗരി ലങ്കേഷ് വധം: കുറ്റസമ്മതത്തിന് പണം വാഗ്ദാനം ചെയ്‌തെന്ന് പ്രതി

Published : 1st October 2018 | Posted By: kasim kzm

ബംഗളൂരു: ഗൗരി ലങ്കേഷ് വധക്കേസില്‍ കുറ്റസമ്മതത്തിന് പ്രത്യേക അന്വേഷണസംഘം 25 ലക്ഷം രൂപ വാഗ്ദാനം ചെയ്‌തെന്ന് പ്രതി പരശുറാം വാഗ്മറെ. ഇയാളുള്‍പ്പെടെ കേസിലെ 12 പ്രതികളെ കോടതിയില്‍ ഹാജരാക്കാനായി കൊണ്ടുവന്നപ്പോഴാണ് മാധ്യമപ്രവര്‍ത്തകര്‍ക്കു മുമ്പില്‍ പരശുറാമിന്റെ വെളിപ്പെടുത്തല്‍. അന്വേഷണസംഘം ആഴ്ചകളോളം തന്നെ പീഡിപ്പിച്ചെന്നും കുറ്റം സമ്മതിച്ചില്ലെങ്കില്‍ കുടുംബത്തെ ഉപദ്രവിക്കുമെന്ന് ഭീഷണിപ്പെടുത്തിയെന്നും പരശുറാം ആരോപിച്ചു. താന്‍ എന്തൊക്കെ പറയണമെന്ന് അന്വേഷണസംഘം പറഞ്ഞുതരുകയായിരുന്നുവെന്നും പരശുറാം പറയുന്നു. കുടുംബത്തെ ഉപദ്രവിക്കുമെന്നു ഭീഷണി മുഴക്കിയെന്ന് കേസിലെ മറ്റൊരു പ്രതിയായ മനോഹര്‍ ഇഡവേയും ആരോപിക്കുന്നു. പരശുറാം വാഗ്മറെയും മനോഹറുമുള്‍പ്പെടെ 12 പ്രതികളാണ് ഇതുവരെ കേസില്‍ അറസ്റ്റിലായിരിക്കുന്നത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss