|    Dec 13 Thu, 2018 2:47 am
FLASH NEWS
Home   >  Todays Paper  >  page 7  >  

ഗൗരി ലങ്കേഷ് വധം: ഒരാള്‍ കൂടി അറസ്റ്റില്‍

Published : 21st July 2018 | Posted By: kasim kzm

ബംഗളൂരു: പത്രപ്രവര്‍ത്തകയായിരുന്ന ഗൗരി ലങ്കേഷിനെ കൊലപ്പെടുത്തിയ കേസില്‍ ഒരാളെ കൂടി പ്രത്യേകാന്വേഷണ സംഘം അറസ്റ്റ് ചെയ്തു. മോഹന്‍ നായക് (50) എന്നയാളെ കര്‍ണാടകയിലെ ദക്ഷിണ കന്നഡ ജില്ലയില്‍നിന്നാണ് അറസ്റ്റ് ചെയ്തത്. ഇതോടെ കേസില്‍ അറസ്റ്റിലായവരുടെ എണ്ണം ഏഴായി. നായകിനെ തേഡ് അഡീഷനല്‍ ചീഫ് മെട്രോപൊളിറ്റന്‍ മജിസ്‌ട്രേറ്റ് കോടതി ആറു ദിവസത്തേക്ക് പോലിസ് കസ്റ്റഡിയില്‍ റിമാന്‍ഡ് ചെയ്തു. കേസില്‍ പരശുറാം വാഗ്മറെ(26)യെ ജൂണില്‍ വിജയവാഡ ജില്ലയില്‍ നിന്ന് അറസ്റ്റ് ചെയ്തിരുന്നു.
കെ ടി നവീന്‍കുമാര്‍ എന്ന ഹോട്ടെ മഞ്ജ, അമോല്‍ കലെ, സുജിത്കുമാര്‍ എന്ന പ്രവീണ്‍, അമിത് ദെഗ്‌വെകര്‍, മനോഹര്‍ എഡ്‌വെ എന്നിവര്‍ നേരത്തേ പിടിയിലായിരുന്നു. നവീന്‍ കുമാര്‍, എഡ്‌വെ, സുജിത്കുമാര്‍ എന്നിവര്‍ കര്‍ണാടകക്കാരും കലെയും ദെഗ്‌വെകറും മഹാരാഷ്ട്രക്കാരുമാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss