|    Dec 10 Mon, 2018 11:41 am
FLASH NEWS
Home   >  Todays Paper  >  page 9  >  

ഗ്രീസില്‍ കാട്ടുതീ: 60 മരണം

Published : 25th July 2018 | Posted By: kasim kzm

ഏതന്‍സ്: ഗ്രീസില്‍ തലസ്ഥാനമായ ഏതന്‍സിനടുത്ത് കാട്ടുതീ പടര്‍ന്ന് 60 പേര്‍ വെന്തുമരിച്ചു. കടലും കാടും ചേരുന്ന മാറ്റി ഗ്രാമത്തിലാണ് സംഭവം. മരിച്ചവരില്‍ അധികവും കുട്ടികളാണ്. റാഫിനാ തുറമുഖത്താണ് കൂടുതല്‍ നാശനഷ്ടങ്ങള്‍ ഉണ്ടായത്.
മരണം 60 കവിഞ്ഞതായും വര്‍ധിക്കാന്‍ സാധ്യതയുണ്ടെന്നും റാഫിനാ മേയര്‍ ഗിര്‍ഗോസ് കൊക്കേളിസ് അറിയിച്ചു. 150ല്‍ അധികം പേര്‍ക്കു പരിക്കേറ്റിട്ടുണ്ട്. തുറമുഖത്ത് നിര്‍ത്തിയിട്ടിരുന്ന വാഹനങ്ങളും സമീപത്തെ വീടുകളും കത്തിയ—മര്‍ന്നു.
മാറ്റി ഗ്രാമത്തെ  വിഴുങ്ങിയ തീ പൂര്‍ണമായും നിയന്ത്രണവിധേയമായിട്ടില്ലെന്നാണ് റിപോര്‍ട്ടുകള്‍.
കഴിഞ്ഞ കുറെ മാസങ്ങളായി കടുത്ത വേനലാണ് സ്ഥലത്തനുഭവപ്പെടുന്നത്. ഇതാണ് കാട്ടുതീക്ക് കാരണമായത്. തീ പടര്‍ന്നു കയറിയപ്പോള്‍ തീരത്തുനിന്ന് ആളുകള്‍ ഓടി കടലില്‍ അഭയം പ്രാപിക്കാന്‍ ശ്രമിച്ചു. വെള്ളത്തില്‍ ചാടിയ നിരവധി പേര്‍ രക്ഷപ്പെട്ടു. കെട്ടിടത്തിനകത്തും കാറിനകത്തും കുടുങ്ങി നിരവധി മരണങ്ങളുണ്ടായി.
അപകടങ്ങള്‍ നിയന്ത്രിക്കാന്‍ മനുഷ്യസാധ്യമായതെല്ലാം ചെയ്യുമെന്നു പ്രധാനമന്ത്രി അലക്‌സി സിപ്രാസ് പറഞ്ഞു. അന്താരാഷ്ട്ര സഹായം അഭ്യര്‍ഥിച്ചിട്ടുണ്ട്. ആറ്റിക്ക പ്രദേശത്ത് അടിയന്തരാവസ്ഥ പ്രഖ്യാപിച്ചിരിക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss