|    Jul 28 Fri, 2017 12:33 pm
FLASH NEWS
Home   >  Todays Paper  >  page 7  >  

ഗ്രാനൈറ്റ് ഖനനക്കേസ്: മജിസ്‌ട്രേറ്റിന് സസ്‌പെന്‍ഷന്‍

Published : 2nd April 2016 | Posted By: SMR

മധുര: അനധികൃത ഗ്രാനൈറ്റ് ഖനനക്കേസില്‍ മദ്രാസ് ഹൈക്കോടതി നിര്‍ദേശം അനുസരിക്കാതിരുന്നതിന് കോടതിയലക്ഷ്യത്തിനു ശുപാര്‍ശ ചെയ്ത മേലൂര്‍ ജുഡീഷ്യല്‍ മജിസ്‌ട്രേറ്റ് കെ വി മഹേന്ദ്ര ഭൂപതിയെ സസ്‌പെന്‍ഡ് ചെയ്തു. ഭൂപതിക്കു പകരം ഭാരതി രാജയെ മേലൂര്‍ ജുഡീഷ്യല്‍ മജിസ്‌ട്രേറ്റായി നിയമിച്ചു. കഴിഞ്ഞ രണ്ടുദിവസങ്ങളിലായി രണ്ടു ജഡ്ജിമാര്‍ മധുര ജുഡീഷ്യല്‍ മജിസ്‌ട്രേറ്റ് കോടതിയില്‍ 98 അനധികൃത ഖനന കേസുകളുടെ രേഖകള്‍ പരിശോധിച്ചിരുന്നു.
മധുര പ്രിന്‍സിപ്പല്‍ ജില്ലാ ജഡ്ജി ബഷീര്‍ അഹ്മദ്, ചീഫ് ജുഡീഷ്യല്‍ മജിസ്‌ട്രേറ്റ് ശരവണന്‍ എന്നിവരാണു ഭൂപതിക്കെതിരായ ആരോപണങ്ങള്‍ അന്വേഷിക്കുന്നത്. ഒരു കേസില്‍ പ്രതികളായ ഗ്രാനൈറ്റ് രാജാക്കന്‍മാരെ ഭൂപതി വിട്ടയച്ചിരുന്നു.
കേസുകള്‍ സെഷന്‍സ് കോടതിക്കു കൈമാറണമെന്ന് അന്വേഷണ ഉദ്യോഗസ്ഥന്‍ ഹൈക്കോടതിയെ അറിയിച്ചിരുന്നു. ഇതേത്തുടര്‍ന്ന് ഹൈക്കോടതി അതിനുത്തരവിട്ടെങ്കിലും മജിസ്‌ട്രേറ്റ് ഭൂപതി അത് അനുസരിക്കുകയുണ്ടായില്ല. ഇതേത്തുടര്‍ന്നായിരുന്നു ഇദ്ദേഹത്തിനെതിരേ ഹൈക്കോടതി കോടതിയലക്ഷ്യ നടപടി തുടങ്ങിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക