|    Oct 20 Sat, 2018 12:48 pm
FLASH NEWS
Home   >  Todays Paper  >  Page 4  >  

ഗോഡ്‌സെയും മോദിയും തമ്മില്‍ അകലമില്ല: ബിനോയ് വിശ്വം

Published : 7th October 2018 | Posted By: kasim kzm

കോഴിക്കോട്: മതേതരത്വം കപടമാണെന്നു പറയുന്ന ബിജെപി അടുത്ത തിരഞ്ഞെടുപ്പിലും അധികാരത്തിലെത്തിയാല്‍ ഇന്ത്യയുടെ വൈവിധ്യങ്ങളെ ഇല്ലാതാക്കി മതേതരത്വത്തിന്റെ ആണിക്കല്ല് ഇളക്കിയെറിയുമെന്നും ഗോഡ്‌സെയും മോദിയും തമ്മില്‍ അകലമില്ലെന്നും ബിനോയ് വിശ്വം എംപി. കോഴിക്കോട് ടാഗൂര്‍ ഹാളില്‍ പി വി സ്വാമി അനുസ്മരണ സമ്മേളനത്തിലെ സെമിനാറില്‍ സംസാരിക്കുകയായിരുന്നു അദ്ദേഹം. ഇന്ത്യന്‍ ഭരണഘടനയ്ക്കു പകരം മനുസ്മൃതി അനുസരിച്ചുള്ള ഭരണഘടനയാണ് വേണ്ടതെന്ന് ബിജെപി മന്ത്രി പറയുന്നു. ഭരണഘടന മാറ്റിയെഴുതണമെന്നു പറയുന്ന ബിജെപിക്കാര്‍ ദേശവിരുദ്ധരാണ്. ഗോഡ്‌സെയുടെ വെടിയുണ്ട വീണ്ടും തിരിച്ചുവരുകയാണിന്ന്.
കോണ്‍ഗ്രസ്സിനോട് വിയോജിപ്പുണ്ടെങ്കിലും ബിജെപി അധികാരത്തിലെത്താതിരിക്കാന്‍ സഹകരിക്കും. അടുത്ത തിരഞ്ഞെടുപ്പില്‍ ബിജെപി അധികാരത്തില്‍ വരാന്‍പാടില്ല. നെഹ്‌റുവിനെയും മഹാത്മജിയെയും മറക്കരുതെന്നും കോണ്‍ഗ്രസ് ഇനിയെങ്കിലും പാഠംപഠിക്കണമെന്നും ബിനോയ് വിശ്വം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss