|    Apr 20 Fri, 2018 2:25 pm
FLASH NEWS

ഗെയില്‍ അതിക്രമങ്ങള്‍ അതിരുവിടുന്നു: സമരസമിതി

Published : 10th March 2018 | Posted By: kasim kzm

മലപ്പുറം: ഗെയില്‍ പദ്ധതി നടപ്പാക്കുന്നതിനു നാട്ടില്‍ നടക്കുന്ന അതിക്രമങ്ങള്‍ അതിരുവിടുന്നതായി മലപ്പുറം ജില്ല ഗെയില്‍ വിരുദ്ധ സമര സമതി കുറ്റപ്പെടുത്തി. പോലിസിനെ ഉപയോഗിച്ച് നടപ്പിലാക്കുന്ന കോര്‍പ്പറേറ്റ് ഭീകരതക്കു മുന്നില്‍ സംഘടനകള്‍ മൗനം പാലിക്കുന്നതു ഗുരുതരമായ പ്രത്യാഘാതങ്ങള്‍ ഉണ്ടാക്കുമെന്നു സമര സമിതി കുറ്റപ്പെടുത്തി.
മലപ്പുറത്തെ ജനങ്ങളുടെ കുടിവെള്ള സ്രോതസ്സായി ചാമക്കയം തടയണ പൊളിക്കാനുള്ള നീക്കം നടന്നുവരുന്നു. പള്ളികളുടെയും മദ്രസകളുടെയും വഖ്ഫ് സ്വത്തുക്കളിലൂടെ ഒരു നോട്ടീസോ മുന്നറിയിപ്പോ നല്‍കാതെ കടന്നു കയറി അതിക്രമം കാണിക്കുന്നതു മത സംഘടനകള്‍ പോലും നോക്കി നില്‍ക്കുകയാണ്. ചോദിക്കാന്‍ ചെന്നവരെ  കള്ളക്കേസില്‍ കുടുക്കി പോലിസിനെ ഉപയോഗിച്ച് വിരട്ടുകയാണ്. ജനാധിപത്യ മര്യാദകള്‍ പോലും ധ്വംസിക്കപ്പെടുന്നു. ഗെയില്‍ പ്രവൃത്തി നടക്കുന്ന പ്രദേശങ്ങളില്‍ രാത്രികളില്‍ പോലും പോലിസ് ഭീകരത സൃഷ്ടിക്കുകയാണ്.
പൈപ്പ് ലൈനിട്ട് പൂര്‍ത്തീകരിച്ചാല്‍ ഗ്യാസ് കടത്തിവിടുന്ന ആദ്യ സമയങ്ങളില്‍ ഒരു കിലോമീറ്റര്‍ പരിധിക്കുള്ളില്‍ ജനങ്ങളെ താല്‍ക്കാലികമായെങ്കിലും മാറ്റി താമസിപ്പിക്കേണ്ടിവരും എന്ന് ഇപ്പോള്‍ ഗെയില്‍ അധികൃതര്‍ പറയുന്നു. സമര സമതി നേരത്തെ ഉന്നയിച്ച അപകടത്തിന്റെ പ്രത്യാഘാതങ്ങള്‍ ഒരു കിലോമീറ്റര്‍ വരുമെന്ന മുന്നറിയിപ്പ് ശരിവെക്കുന്നതാണ് ഈ നീക്കം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss