|    Oct 17 Wed, 2018 9:33 am
FLASH NEWS

ഗൃഹനാഥനെ മര്‍ദിച്ചവശനാക്കി പണവും സ്വര്‍ണവും കവര്‍ന്നയാള്‍ പിടിയില്‍

Published : 29th December 2017 | Posted By: kasim kzm

പന്തളം: ഗൃഹനാഥനെ മര്‍ദിച്ചവശനാക്കി പണവും സ്വര്‍ണവും കവര്‍ന്നയാളെ പന്തളം എസ്‌ഐ ബി സജീഷ് കുമാറിന്റെ നേതൃത്വത്തിലുള്ള സംഘം അറസ്റ്റു ചെയ്തു. പന്തളം പൂഴിക്കാട് കൊല്ലന്‍ പറമ്പില്‍ രാജേഷ് (33) ആണ് അറസ്റ്റിലായത്. കറ്റാനം ഭരണിക്കാവ് മനീഷാ ഭവനില്‍ മോഹനനാണ്(65) മര്‍ദനത്തിന് ഇരയായയതും തുടര്‍ന്ന് പണവും സ്വര്‍ണവും നഷ്ടമായത്. പരാതിക്കാരനായ മോഹനന്‍ 23ാം തിയ്യതി പൂഴിക്കാട്ടുള്ള മകളുടെ വീട്ടിലേക്കുള്ള യാത്രയ്ക്കിടെ തോണ്ടുകണ്ടം പാലത്തിലൂടെ നടക്കുമ്പോള്‍ പ്രതിയായ രാജേഷും സുഹൃത്തും കൂടി ആക്രമിക്കുകയായിരുന്നു. ആക്രമണത്തില്‍ അവശനായ മോഹനന്റെ കൈവശമുണ്ടായിരുന്ന 17620 രൂപയും അഞ്ചും മൂന്നും ഗ്രാം തൂക്കം വരുന്ന രണ്ടു മോതിരങ്ങളും കവര്‍ന്നെടുത്തു. മോഹനനെ പിന്നീട് നാട്ടുകാര്‍ ആശുപത്രിയില്‍ എത്തിക്കുകയായിരുന്നു.  കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss