|    Jan 18 Thu, 2018 9:29 pm
FLASH NEWS
Home   >  Todays Paper  >  page 7  >  

ഗുല്‍ബര്‍ഗ് കൂട്ടക്കൊല: 16 വര്‍ഷത്തിനുശേഷം പ്രതി പിടിയില്‍

Published : 11th January 2018 | Posted By: kasim kzm

അഹ്മദാബാദ്: 2002ലെ ഗുജറാത്ത് വംശഹത്യ—ക്കിടയില്‍ അഹ്മദാബാദിലെ ഗുല്‍ബര്‍ഗ് സൊസൈറ്റിയില്‍ 69 പേരെ കൂട്ടക്കൊല ചെയ്ത കേസിലെ പ്രതിയെ 16 വര്‍ഷത്തിനുശേഷം പോലിസ് അറസ്റ്റ് ചെയ്തു. കേസുമായി ബന്ധപ്പെട്ട് ഒളിവില്‍ പോയ അഞ്ചു പ്രതികളിലൊരാളായ ആശിഷ് പാണ്ഡെയാണ് അറസ്റ്റിലായത്. അസ്‌ലാലി പ്രദേശത്തുനിന്നാണ് ഇയാളെ ക്രൈംബ്രാഞ്ച് പോലിസ് പിടികൂടിയത്.
മുസ്‌ലിംകള്‍ തിങ്ങിപ്പാര്‍ക്കുന്ന ഗുല്‍ബര്‍ഗ് സൊസൈറ്റി ജനക്കൂട്ടം ആക്രമിച്ചത് 2002 ഫെബ്രുവരി 28നായിരുന്നു. കോണ്‍ഗ്രസ് മുന്‍ എംപി ഇഹ്‌സാന്‍ ജഫ്‌രി അടക്കമുള്ളവരാണ് അന്നു കൊല്ലപ്പെട്ടത്. പോലിസ് കേസ് രജിസ്റ്റര്‍ ചെയ്തതോടെ പാണ്ഡെ ഒളിവില്‍ പോവുകയായിരുന്നു. പാണ്ഡെയെ പ്രത്യേക അന്വേഷണ സംഘത്തിനു കൈമാറി. ഇയാളെ ഇന്നു കോടതിയില്‍ ഹാജരാക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day