|    Jan 17 Wed, 2018 7:11 am
FLASH NEWS

ഗുരുദേവ ദര്‍ശനങ്ങളെ ദുരുപയോഗം ചെയ്തു വര്‍ഗീയ കേന്ദ്രങ്ങളിലെത്തിക്കുന്നു

Published : 3rd May 2016 | Posted By: SMR

ആലത്തൂര്‍: ഗുരുദേവ ദര്‍ശനങ്ങളെ ദുരുപയോഗപ്പെടുത്തി വര്‍ഗീയ കേന്ദ്രങ്ങളിലെത്തിക്കാന്‍ ചിലര്‍ ശ്രമിക്കുന്നതായി സിപിഎം ജനറല്‍ സെക്രട്ടറി സീതാറാം യെച്ചൂരി. ആലത്തൂര്‍ ദേശീയ മൈതാനിയില്‍ എല്‍ഡിഎഫ് ആലത്തൂര്‍ പഞ്ചായത്ത് തിരഞ്ഞെടുപ്പ് റാലി ഉദ്ഘാടനം ചെയ്യുകയായിരുന്നു അദ്ദേഹം.
മാനവികതയ്ക്കാണ് ഗുരുദേവന്‍ ഊന്നല്‍ നല്‍കിയത്.രാജ്യത്ത് വര്‍ഗീയ ശക്തികളെ തുരത്തിയതിനാണ് ഒന്നാം യുപിഎ സര്‍ക്കാരിന് സിപിഎം പിന്തുണ നല്‍കിയത്. അന്ന് സിപിഎം ജയിച്ച 61 ല്‍ 57ലും കോ ണ്‍ഗ്രസിനെ തോല്‍പ്പിച്ചാണ് ജയിച്ചു വന്നത്. എന്നിട്ടു പോലും ബിജെപിയെ അധികാരത്തില്‍ നിന്ന് ഒഴിവാക്കാന്‍ കോണ്‍ഗ്രസ്സിനെ പിന്തുണയ്ക്കാന്‍ തയ്യാറായി.
ഇത് തകര്‍ത്തത് കോണ്‍ഗ്രസ്സിന്റെ സാമ്പത്തിക സാമ്രാജ്യത്വ നയങ്ങള്‍ മൂലമാണെന്നും യെച്ചൂരി കുറ്റപ്പെടുത്തി. ശശിധരന്‍ പൂങ്ങോട് അധ്യക്ഷത വഹിച്ചു. വി ചാമുണ്ണി, ഓട്ടൂര്‍ ഉണ്ണികൃഷ്ണന്‍, ശ്രീകുമാര്‍ ,സി കെ രാജേന്ദ്രന്‍, എം ബി രാജേഷ്, എം ചന്ദ്രന്‍ എംഎല്‍എ, സ്ഥാനാര്‍ഥി കെ ഡി പ്രസേനന്‍ ,സി ടി കൃഷ്ണന്‍, അബ്ദുല്‍ റഹിമാന്‍, വി സി രാമചന്ദ്രന്‍ സംസാരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day