|    Oct 19 Fri, 2018 1:30 am
FLASH NEWS

ഗുണമേന്‍മയില്ലാത്ത പാല്‍ പിടികൂടി

Published : 5th April 2018 | Posted By: kasim kzm

ചിറ്റൂര്‍: കേരളത്തിലേക്ക് കടത്തുകയായിരുന്ന ഗുണമേന്മയില്ലാത്ത പാല്‍ പിടികൂടി. തമിഴ്‌നാട്ടില്‍ നിന്ന് കേരളത്തിലേയ്ക്ക് കടത്തുകയായിരുന്ന സ്വകാര്യ കമ്പനിയുടെ പേരിലുള്ള പാലാണ് പിടികൂടിയത്. പൊള്ളാച്ചിയ്ക്ക് സമീപം പ്രവര്‍ത്തിക്കുന്ന ശ്രീഹരി ഡയറി ഫാമിന്റെ കൃഷ്ണ എന്ന പേരിലുള്ള പാലാണ് മീനാക്ഷിപുരം പാല്‍ പരിശോധനാ കേന്ദ്രത്തിന്റെ പിടിയിലായത്. തൃശൂരിലേയ്ക്ക് കടത്തുകയായിരുന്ന 1100 ലിറ്റര്‍ പാലാണ് കഴിഞ്ഞ ദിവസം ഉച്ചയോടെ പിടിയിലായത്. കൊഴുപ്പും കൊഴുപ്പിതര ഘര പദാര്‍ത്ഥവും നിശ്ചിത അളവില്‍ കുറവാണെന്ന് പരിശോധനയില്‍ കണ്ടെത്തി.
പിടികൂടിയ പാല്‍ ഭക്ഷ്യ സുരക്ഷാ വിഭാഗത്തിന് കൈമാറി. ഡയറി എക്സ്റ്റന്‍ഷന്‍ ഓഫീസര്‍ മീനു റസ്സല്‍, മനോജ്, ശാന്തകുമാരി എന്നിവരാണ് പരിശോധന സംഘത്തിലുണ്ടായിരുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss