|    Jan 19 Thu, 2017 8:36 pm
FLASH NEWS

ഗുജറാത്ത് തീവ്രവാദ വിരുദ്ധ ബില്ല് രാഷ്ട്രപതി തിരിച്ചയച്ചു

Published : 29th January 2016 | Posted By: swapna en

ന്യൂഡല്‍ഹി: ഗുജറാത്ത് നിയമസഭ പാസാക്കിയ വിവാദപരമായ തീവ്രവാദ വിരുദ്ധ ബില്ല് രാഷ്ട്രപതി പ്രണബ് മുഖര്‍ജി തിരിച്ചയച്ചു. യുപിഎ ഭരണകാലത്ത് രണ്ടു തവണ തിരിച്ചയച്ച ബില്ല് കഴിഞ്ഞവര്‍ഷം സപ്തംബറിലാണ് പ്രണബ് മുഖര്‍ജിയുടെ പരിഗണനയ്ക്ക് വന്നത്. കൂടുതല്‍ വിശദീകരണം ആരാഞ്ഞുകൊണ്ടാണ് രാഷ്ട്രപതി ബില്ല് മടക്കിയത്. 2004ല്‍ അന്നത്തെ രാഷ്ട്രപതിയായിരുന്ന എപിജെ അബ്ദുല്‍ കലാമും പിന്നീട് പ്രതിഭാ പാട്ടീലും ഈ ബില്ല് തിരിച്ചയച്ചിരുന്നു. ഗുജറാത്ത് തീവ്രവാദ സംഘടിത കുറ്റകൃത്യ നിയന്ത്രണ ബില്ല് നരേന്ദ്ര മോദി മുഖ്യമന്ത്രിയായിരുന്ന കാലത്ത് 2003ല്‍ ആണ് അവതരിപ്പിച്ചത്. കുറ്റവാളികളെന്ന് സംശയിക്കുന്നവരുടെ ചോര്‍ത്തിയെടുത്ത മൊബൈല്‍ സംഭാഷണങ്ങ ള്‍വരെ തെളിവായി സമര്‍പ്പിക്കാന്‍ വ്യവസ്ഥ ചെയ്യുന്നതാണ് ബില്ല്. കഴിഞ്ഞ വര്‍ഷം ബില്ല് വീണ്ടും പാസാക്കിയ ശേഷമാണ് രാഷ്ട്രപതിക്കയച്ചത്. കുറ്റപത്രം സമര്‍പ്പിക്കുന്നതിനുള്ള സമയപരിധി ബില്ലില്‍ 90ല്‍ നിന്ന് 18 ദിവസമാക്കി കുറച്ചിരുന്നു.

Share on FacebookShare on Google+Tweet about this on TwitterShare on LinkedIn
(Visited 74 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക