|    Feb 24 Sat, 2018 5:30 pm
Home   >  Todays Paper  >  Page 1  >  

ഗുജറാത്തില്‍ 68.70% പോളിങ്; കോണ്‍ഗ്രസ്സിന് സീറ്റ് കൂടുമെന്ന് സര്‍വേ

Published : 15th December 2017 | Posted By: kasim kzm

സ്വന്തം  പ്രതിനിധി

ന്യൂഡല്‍ഹി: ഗുജറാത്തില്‍ അവസാനഘട്ട വോട്ടെടുപ്പില്‍ 68.70 ശതമാനം പേര്‍ സമ്മതിദാനാവകാശം വിനിയോഗിച്ചു. 93 മണ്ഡലങ്ങളിലാണ് വോട്ടെടുപ്പ് നടന്നത്. വോട്ടിങ് ശതമാനം കൂടാനിടയുണ്ടെന്ന് സീനിയര്‍ ഡെപ്യൂട്ടി തിരഞ്ഞെടുപ്പു കമ്മീഷണര്‍ ഉമേഷ് സിന്‍ഹ പറഞ്ഞു. 2.22 കോടി ജനങ്ങളാണ് വോട്ട് രേഖപ്പെടുത്തിയത്. ഗുജറാത്തില്‍ കോണ്‍ഗ്രസ്സിന് മുമ്പത്തേതിനേക്കാള്‍ സീറ്റ് വര്‍ധിക്കുമെന്ന് എക്‌സിറ്റ്‌പോള്‍ ഫലങ്ങള്‍ പ്രവചിക്കുന്നു. 182ല്‍ 71 സീറ്റില്‍ കോണ്‍ഗ്രസ് വിജയിക്കുമെന്ന് എട്ട് എക്‌സിറ്റ് പോള്‍ ഫലങ്ങളുടെ ശരാശരി കണക്ക് വ്യക്തമാക്കുന്നു. കഴിഞ്ഞ നിയമസഭാ തിരഞ്ഞെടുപ്പില്‍ കോണ്‍ഗ്രസ്സിന് 57 സീറ്റ് മാത്രമാണ് ലഭിച്ചിരുന്നത്. 111 സീറ്റോടെ ബിജെപി അധികാരം നിലനിര്‍ത്തുമെന്നും സര്‍വേ ഫലം പറയുന്നു. അതേസമയം, ഹിമാചല്‍പ്രദേശ് കോണ്‍ഗ്രസ്സിന് നഷ്ടമാവുമെന്നാണ് വിവിധ എക്‌സിറ്റ്‌പോള്‍ ഫലം. ആകെയുള്ള 68 സീറ്റില്‍ 49 സീറ്റ് ബിജെപിക്ക് ലഭിക്കുമെന്നാണ് പ്രവചനം. ഇരുസംസ്ഥാനങ്ങളിലും തിങ്കളാഴ്ചയാണ് വോട്ടെണ്ണല്‍.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss