|    Sep 26 Wed, 2018 7:57 pm
FLASH NEWS

ഗുജറാത്തില്‍ ആക്രമണ കേസുകളില്‍ പ്രതിയായമലയാളി പിടിയിലായി

Published : 24th May 2017 | Posted By: fsq

 

നെടുമ്പാശേരി: പോലിസ് സ്‌റ്റേഷന്‍ ആക്രമണം ഉള്‍പ്പെടെ ഗുജറാത്തില്‍ നിരവധി ആക്രമണ കേസുകളില്‍ പ്രതിയായ മലയാളി നെടുമ്പാശേരി വിമാനത്താവളത്തില്‍ എമിഗ്രേഷന്‍ വിഭാഗത്തിന്റെ പിടിയിലായി. മലപ്പുറം തിരൂര്‍ സ്വദേശി സുഹൈബ് അബ്ദുള്‍ ഖാദര്‍(49)ആണ് ഇന്നലെ പുലര്‍ച്ചെ ദുബയില്‍ നിന്നും എത്തുമ്പോള്‍ പിയിലായത്. ഗുജറാത്ത് പോലിസ് പ്രതിക്കെതിരേ ലുക്കൗട്ട് നോട്ടീസ് പുറപ്പെടുവിച്ചിരുന്നു. പാസ്‌പോര്‍ട്ട് കാലാവധി അവസാനിച്ചതിനെ തുടര്‍ന്ന് നാട്ടിലേക്ക് വരുന്നതായി രഹസ്യ വിവരം ലഭിച്ചതിനെ തുടര്‍ന്ന് ഗുജറാത്ത് പോലിസ് അഹമ്മദാബാദ് ഡിവൈഎസ്പിയുടെ നേതൃത്വത്തില്‍ നെടുമ്പാശേരി രാജ്യാന്തര വിമാനത്താവളത്തില്‍ എത്തിയിരുന്നു. സുഹൈബ് അബ്ദുള്‍ ഖാദറെ തിരിച്ചറിഞ്ഞ എമിഗ്രേഷന്‍ വിഭാഗം പിടികൂടി നടപടിക്രമങ്ങള്‍ക്ക് ശേഷം ഗുജറാത്ത് പോലിസിന് കൈമാറുകയായിരുന്നു. വൈകീട്ട് അഞ്ചോടെ ഇന്‍ഡിഗോ വിമാനത്തില്‍ ഇയാളെ ഗുജറാത്ത് പോലിസ് അഹമ്മദാബാദിലേക്ക് കൊണ്ടുപോയി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss