|    Sep 20 Thu, 2018 10:02 pm
FLASH NEWS

ഗവ. മെഡിക്കല്‍ കോളജിലെ വിവിധ പദ്ധതികള്‍ 26ന് മുഖ്യമന്ത്രി ഉദ്ഘാടനം ചെയ്യും

Published : 19th May 2018 | Posted By: kasim kzm

തൃശൂര്‍: തൃശൂര്‍ ഗവണ്‍മെന്റ് മെഡിക്കല്‍ കോളജില്‍ 90.35 കോടി ചെലവഴിച്ച് നിര്‍മിച്ച വിവിധ പദ്ധതികളുടെ ഉദ്ഘാടനം 26 ന് മുഖ്യമന്ത്രി പിണറായി വിജയന്‍ നിര്‍വഹിക്കുമെന്ന് വ്യവസായ മന്ത്രി എ സി മൊയ്തീന്‍ അറിയിച്ചു. സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷങ്ങളുടെ ഭാഗമായി നടത്തുന്ന ജില്ലാതല ആഘോഷ പരിപാടികള്‍ വിശദീകരിക്കുന്ന വാര്‍ത്തസമ്മേളനത്തിലാണ് അദ്ദേഹം ഗവ. മെഡിക്കല്‍ കോളജിലെ ഉദ്ഘാടന പദ്ധതികള്‍ അറിയിച്ചത്.
41.83 കോടി രൂപ ചെലവില്‍ നിര്‍മിക്കുന്ന അക്കാദമി ബ്ലോക്ക്, 9.90 കോടി രൂപ ചെലവിട്ടു നിര്‍മിച്ച ആഭ്യന്തര റോഡുകളുടെയും സുരക്ഷാനടപ്പാതകളുടെയും ഉദ്ഘാടനം, 9.60 കോടി രൂപ ചെലവില്‍ നിര്‍മിച്ച സ്റ്റാഫ് ക്വാര്‍ട്ടേഴ്‌സ്, 5.40 കോടി രൂപയുടെ പി ജി റസിഡന്റ് ക്വാര്‍ട്ടേഴ്‌സുകള്‍, 4.90 കോടി രൂപ ചെലവില്‍ നിര്‍മിക്കുന്ന പേവാര്‍ഡ്, 3.72 കോടി രൂപ ചെലവഴിച്ചിട്ടുള്ള ആര്‍ദ്രം പദ്ധതിയുടെ ഒന്നാം ഘട്ടം, 2.5 കോടി രൂപ ചെലവഴിച്ച നിര്‍മിച്ച കീമോതെറാപ്പി ഡേകെയര്‍ സെന്റര്‍, മൂന്നുകോടി രൂപ ചെലവില്‍ നിര്‍മിക്കുന്ന സെന്‍ട്രല്‍ വെയര്‍ഹൗസിന്റെ ഒന്നാം ഘട്ടം, ഒരു കോടി രൂപ ചെലവില്‍ നിര്‍മിക്കുന്ന ഗസ്റ്റ് ഹൗസ്, 2.50 കോടി രൂപ ചെലവിട്ടു നിര്‍മിച്ച നഴ്‌സിങ് കോളജ്, 6 കോടി രൂപ ചെലവഴിച്ചു നിര്‍മിച്ചിട്ടുള്ള ഇന്‍ഡോര്‍ സ്റ്റേഡിയം 20 എക്‌സാമിനേഷന്‍ ഹാള്‍ എന്നിവയാണ് മെയ് 26 ന് മുഖ്യമന്ത്രി ഉദ്ഘാടനം ചെയ്യുന്നത്. ഇതോടൊപ്പം ഗവണ്‍മെന്റ് കോളജിന്റെ മാസ്റ്റര്‍ പ്ലാനിന്റെ ത്രിമാന മാതൃകകളുടെ അനാച്ഛാദനവും മുഖ്യമന്ത്രി നിര്‍വഹിക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss