|    Dec 18 Mon, 2017 2:39 pm

ഗര്‍ഭിണി മരിച്ച സംഭവം: കുറ്റക്കാര്‍ക്കെതിരേ ശക്തമായ നടപടി സ്വീകരിക്കണമെന്ന് ജില്ലാ പഞ്ചായത്ത് പ്രസിഡന്റ്

Published : 24th May 2016 | Posted By: SMR

കൊല്ലം: കൊട്ടാരക്കര താലൂക്ക് ആശുപത്രിയില്‍ ഗര്‍ഭിണി മരിക്കാനിടയായ സാഹചര്യത്തെ സംബന്ധിച്ച് സമഗ്രാന്വേഷണം നടത്തി കുറ്റക്കാര്‍ക്കെതിരേ ശക്തമായ നടപടി സ്വീകരിക്കണമെന്ന് ജില്ലാ പഞ്ചായത്ത് പ്രസിഡന്റ് കെ ജഗദമ്മ ആവശ്യപ്പെട്ടു. പൂര്‍ണ്ണ ആരോഗ്യവതിയായ യുവതി മരിക്കാനിടയായത് ഡോക്ടറുടെ അനാസ്ഥ മൂലമാണെന്ന് വ്യാപകാരോപണം ഉള്ള സാഹചര്യത്തില്‍ ഇക്കാര്യത്തില്‍ സംശയനിവാരണം ഉണ്ടാക്കേണ്ടത് ബന്ധപ്പെട്ടവരുടെ ബാധ്യതയാണ്. സംഭവം ഉണ്ടായ ഉടനെ ഉന്നതാന്വേഷണം പ്രഖ്യാപിച്ചുവെങ്കിലും ഇനിയും റിപ്പോര്‍ട്ട് പുറത്ത് വരാത്തത് ദുരൂഹത ഉണ്ടാക്കുന്നതാണ്. ആശുപത്രിയില്‍ ആക്രമണം നടത്തി എന്നാരോപിച്ച് യുവതിയുടെ ഭര്‍ത്താവിനെ അറസ്റ്റ് ചെയ്യാനുള്ള നീക്കം അപലനീയമാണ്. പാവപ്പെട്ട രോഗികളെ ബുദ്ധിമുട്ടിച്ചും സ്വകാര്യ ആശുപത്രി ലോബിയെ സഹായിച്ചുകൊണ്ടും കഴിഞ്ഞ നിരവധി ദിവസങ്ങളായി ഡോക്ടര്‍മാരും ജീവനക്കാരും നടത്തിവരുന്ന സമരം ന്യായീകരിക്കുവാന്‍ കഴിയുന്നതല്ല. സമരംമൂലം ആശുപത്രി പ്രവര്‍ത്തനം പൂര്‍ണ്ണമായി സ്തംഭിച്ചിരിക്കുകയാണ്. ഇത് ഒരു കാരണവശാലും അംഗീകരിക്കുവാന്‍ കഴിയില്ല. അതിനാല്‍ സമരം എത്രയും വേഗം അവസാനിപ്പിച്ച് പൊതുജനങ്ങളോടുള്ള ബാധ്യത നിറവേറ്റണമെന്ന് ജില്ലാ പഞ്ചായത്ത് പ്രസിഡന്റ് കെ ജഗദമ്മ പ്രസ്താവനയില്‍ ആവശ്യപ്പെട്ടു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss