|    Aug 15 Wed, 2018 8:23 am
FLASH NEWS

ഗതാഗത പരിഷ്‌ക്കാരം: വ്യാപാരികള്‍ എംഎല്‍എയെ ബഹിഷ്‌ക്കരിക്കും

Published : 21st December 2017 | Posted By: kasim kzm

ആലുവ: നഗരത്തില്‍ നടപ്പാക്കിയ അശാസ്ത്രീയ ഗതാഗത പരിഷ്‌ക്കാരം പിന്‍വലിക്കാന്‍ ഉപജ്ഞാതാവായ എംഎല്‍എ അന്‍വര്‍ സാദത്ത് മുന്‍കൈയ്യെടുത്തില്ലെങ്കില്‍ ജില്ലയിലെ വ്യാപാരികള്‍ എംഎല്‍എയെ ബഹിഷ്‌ക്കരിക്കുമെന്ന് കെവിവിഇ എസ് ജില്ലാ പ്രസിഡന്റ് പി എ എം ഇബ്രാഹിം. ആലുവയിലെ ഗതാഗത പരിഷ്‌ക്കാരം പിന്‍വലിക്കാന്‍ തയ്യാറായില്ലെങ്കില്‍ ജില്ലയിലെ മുഴുവന്‍ വ്യാപാരികളെയും അണിനിരത്തി ശക്തമായ സമരത്തിന് ജില്ലാ കമ്മിറ്റി നേതൃത്വം കൊടുക്കും. ഇ എം നസീര്‍ ബാബുവിന്റെ നേതൃത്വത്തില്‍ മുനിസിപ്പല്‍ ഓഫിസിന് മുന്‍വശം 11 വ്യാപാരി നേതാക്കള്‍ നടത്തിയ 24 മണിക്കൂര്‍ നിരാഹാര സമരം നാരങ്ങാനീരു നല്‍കി അവസാനിപ്പിച്ചു സംസാരിക്കുകയായിരുന്നു അദ്ദേഹം.  സമാപന സമ്മേളത്തില്‍ ലത്തീഫ് പൂഴിത്തറ അധ്യക്ഷത വഹിച്ചു. കീഴ്മാട് പഞ്ചായത്തിലെ മുഴുവന്‍ നാട്ടുകാരെയും ഈ പരിഷ്‌കാരം വലച്ചിരിക്കുകയാണെന്നും ഇത് പിന്‍വലിക്കാന്‍ തയ്യാറായില്ലെങ്കില്‍ പഞ്ചായത്തിലെ ജനങ്ങളെ ഒന്നടക്കം സമരരംഗത്ത് അണിനിരത്തുമെന്ന് കീഴ്മാട് പഞ്ചായത്ത് പ്രസിഡന്റ് കെ എ രമേശ് പറഞ്ഞു. എ ജെ റിയാസ്, ജോണി മൂത്തേടന്‍, കെ സി ബാബു, അജ്മല്‍ കാമ്പായി, സുജിത്ത്, അയ്യൂബ് പുത്തന്‍പുരയില്‍, ഗഫൂര്‍, സിയാദ്, ഐ ബി രഘുനാഥ്, അസീസ് അല്‍ബാബ്, പി എം സഹീര്‍, മുനിസിപ്പല്‍ പ്രതിപക്ഷ നേതാവ് രാജീവ് സക്കറിയ, സിപിഎം ഏരിയ സെക്രട്ടറി വി സലിം, കൗണ്‍സിലര്‍ മിനി ബൈജു, എ പി ഉദയകുമാര്‍, പദ്മനാഭന്‍ നായര്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss