|    Oct 21 Sat, 2017 7:14 pm
FLASH NEWS
Home   >  Todays Paper  >  Page 4  >  

ഗണേഷ് കുമാര്‍ എംഎല്‍എ സോളാര്‍ കമ്മീഷനില്‍ മൊഴിനല്‍കി

Published : 26th June 2016 | Posted By: SMR

കൊച്ചി: സോളാര്‍ തട്ടിപ്പ് കേസിലെ മുഖ്യപ്രതി സരിത എസ് നായര്‍ക്ക് മുഖ്യമന്ത്രിയുടെ ഓഫിസുമായി അടുത്ത ബന്ധമുണ്ടായിരുന്നതായി കെ ബി ഗണേഷ് കുമാര്‍ എംഎല്‍എ സോളാര്‍ കമ്മീഷനില്‍ മൊഴിനല്‍കി.
2012ല്‍ ഉമ്മന്‍ചാണ്ടിയുടെ പേഴ്‌സനല്‍ സ്റ്റാഫിന്റെ ശുപാര്‍ശയെത്തുടര്‍ന്നാണു താന്‍ തൃപ്പൂണിത്തുറയില്‍ ടീം സോളാറിന്റെ എനര്‍ജി മാര്‍ട്ട് ഉദ്ഘാടനം ചെയ്യാന്‍ പോയതെന്നും അദ്ദേഹം പറഞ്ഞു. സരിതയെ കണ്ടിട്ടുണ്ടെന്നും എന്നാല്‍ ബിജു രാധാകൃഷ്ണനെ കാണുകയോ ഫോണില്‍ ബന്ധപ്പെടുകയോ ചെയ്തിട്ടില്ലെന്നും ഗണേഷ് വ്യക്തമാക്കി. തന്റെ വീട്ടില്‍ ടീം സോളാര്‍ കമ്പനിയുടെ പാനല്‍ സ്ഥാപിച്ചിരുന്നതായും കേന്ദ്ര-സംസ്ഥാന സര്‍ക്കാരുകളുടെ 50 ശതമാനം സബ്‌സിഡി തുക കിഴിച്ചാണ് ബില്ലില്‍ രേഖപ്പെടുത്തിയിരുന്നതെന്നും ഗണേഷ്‌കുമാര്‍ മൊഴിനല്‍കി. ബില്ല് തുക കോര്‍പറേഷന്‍ ബാങ്കിന്റെ ചെക്കായി നല്‍കിയതിന്റെ രേഖകളും ഗണേഷ്‌കുമാര്‍ കമ്മീഷന്‍ മുമ്പാകെ ഹാജരാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക