|    Nov 17 Sat, 2018 6:23 am
FLASH NEWS
Home   >  Todays Paper  >  page 7  >  

ഖാലിദ സിയയുടെ അഭിഭാഷകനെ ഇന്ത്യ തിരിച്ചയച്ചു

Published : 13th July 2018 | Posted By: kasim kzm

ന്യൂഡല്‍ഹി: ജയിലില്‍ കഴിയുന്ന ബംഗ്ലാദേശ് മുന്‍ പ്രധാനമന്ത്രി ഖാലിദ സിയയുടെ അഭിഭാഷകനെ ഇന്ത്യ തിരിച്ചയച്ചു. അനുയോജ്യമായ വിസ ഇല്ലെന്നു കാണിച്ചാണ് ബ്രിട്ടീഷ് പാര്‍ലമെന്റംഗം കൂടിയായ ലോര്‍ഡ് അലക്‌സാണ്ടര്‍ കാര്‍ലിയെ ഡല്‍ഹി വിമാനത്താവളത്തില്‍ നിന്ന് തിരിച്ചയച്ചതെന്ന് വിദേശകാര്യ മന്ത്രാലായം അറിയിച്ചു. ഖാലിദ സിയക്കും ബംഗ്ലാദേശ് നാഷനലിസ്റ്റ് പാര്‍ട്ടിക്കുമെതിരായ ആരോപണങ്ങള്‍ അടിസ്ഥാനരഹിതമാണെന്ന് മാധ്യമങ്ങളോട് വിശദീകരിക്കാനാണ് കാര്‍ലി ഡല്‍ഹിയിലെത്തിയത്.
എന്നാല്‍ വിസ അപേക്ഷയില്‍ പത്രസമ്മേളനത്തിന്റെ കാര്യം വ്യക്തമാക്കിയിട്ടില്ലെന്നും അതിനാലാണ് തിരിച്ചയച്ചതെന്നും വിദേശകാര്യ വക്താവ് രവീഷ് കുമാര്‍ പറഞ്ഞു. അതേസമയം ബംഗ്ലാദേശ് സര്‍ക്കാരിന്റെ സമ്മര്‍ദം മൂലമാണ് ഇന്ത്യയുടെ നടപടിയെന്ന് അലക്‌സാണ്ടര്‍ കാര്‍ലി പ്രതികരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss