|    Jul 23 Sun, 2017 10:23 am
Home   >  Todays Paper  >  Page 1  >  

ഖജനാവ് കാലി; ധവളപത്രമിറക്കും

Published : 24th May 2016 | Posted By: SMR

തിരുവനന്തപുരം: സംസ്ഥാന ഖജനാവ് കാലിയാണെന്ന് നിയുക്ത ധനമന്ത്രി തോമസ് ഐസക്. എല്‍ഡിഎഫ് സംസ്ഥാനസമിതിക്കുശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. 15 വര്‍ഷം മുമ്പ് കേരളം നേരിട്ട സാമ്പത്തിക പ്രതിസന്ധിക്കു സമാനമാണ് നിലവില്‍ സംസ്ഥാനത്തിന്റെ സ്ഥിതി. കടം വാങ്ങുന്ന തുകയുടെ 70 ശതമാനത്തോളം ദൈനംദിന ചെലവിന് ഉപയോഗിക്കുകയാണ്. മൂലധന ചെലവില്‍ ഗണ്യമായ ഇടിവുണ്ടാവുന്നു. ഇക്കാര്യങ്ങളില്‍ സമഗ്ര പരിശോധന നടത്തി ധവളപത്രമിറക്കും. നികുതിഭരണ സംവിധാനത്തിലെ തകര്‍ച്ച പൊടുന്നനെ മാറ്റാന്‍ കഴിയില്ല. ഉടന്‍ നടപടിയെടുത്താലും ഫലവത്താകാന്‍ ചുരുങ്ങിയത് ഒരുവര്‍ഷമെങ്കിലുമെടുക്കും. വികസനം സംബന്ധിച്ച് പുതിയ സമന്വയം ഉണ്ടാവേണ്ടതുണ്ടെന്നും ചില ചുവടുമാറ്റങ്ങള്‍ അനിവാര്യമാണെന്നും അദ്ദേഹം വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക