|    Jul 21 Fri, 2017 8:06 pm
FLASH NEWS
Home   >  Todays Paper  >  Page 5  >  

ക്ഷേമപെന്‍ഷനുകള്‍ എല്ലാമാസവും 15ന് ലഭ്യമാക്കും: മുഖ്യമന്ത്രി

Published : 3rd December 2015 | Posted By: SMR

തിരുവനന്തപുരം: സംസ്ഥാന സര്‍ക്കാര്‍ നല്‍കുന്ന അഞ്ചിനം ക്ഷേമപെന്‍ഷനുകള്‍ ഗുണഭോക്താക്കള്‍ക്ക് എല്ലാ മാസവും 15ന് ലഭ്യമാക്കുമെന്ന് മുഖ്യമന്ത്രി ഉമ്മന്‍ചാണ്ടി നിയമസഭയെ അറിയിച്ചു. സര്‍ക്കാര്‍ ജീവനക്കാര്‍ക്ക് ശമ്പളം ലഭിക്കുന്നതുപോലെ 32 ലക്ഷം ഗുണഭോക്താക്കള്‍ക്കും പെന്‍ഷനുകള്‍ വിതരണം ചെയ്യാനാണ് തീരുമാനം.
പെന്‍ഷന്‍ ബാങ്ക് അക്കൗണ്ട് വഴിയാവണോ അതോ മണി ഓര്‍ഡര്‍ മുഖേന വേണോയെന്ന കാര്യത്തില്‍ ഗുണഭോക്താക്കള്‍ക്ക് തീരുമാനമെടുക്കാം. ക്ഷേമപെന്‍ഷന്‍ ഇനത്തില്‍ നല്‍കാനുള്ള കുടിശ്ശിക തീരുന്നതുവരെ പ്രതിമാസം രണ്ടുമാസത്തെ പെന്‍ഷനായിരിക്കും ഇവര്‍ക്ക് നല്‍കുക. ക്ഷേമപെന്‍ഷന്‍ നല്‍കുന്നതിനായി സംസ്ഥാന സര്‍ക്കാര്‍ കഴിഞ്ഞ ഓണക്കാലത്ത് 1260 കോടി രൂപയാണ് പോസ്റ്റ് ഓഫിസില്‍ അടച്ചത്. പോസ്റ്റ് ഓഫിസുകളില്‍ മണിക്കൂറുകള്‍ ക്യൂ നിന്നാലും പെന്‍ഷന്‍ ലഭിക്കുന്നില്ലെന്ന പരാതിയുണ്ട്. ഇക്കാര്യം ചീഫ് പോസ്റ്റ് മാസ്റ്റര്‍ ജനറലുമായി സംസാരിച്ചെങ്കിലും പെന്‍ഷന്‍ മുടങ്ങുന്നില്ലെന്ന മറുപടിയാണ് ലഭിച്ചതെന്നും അദ്ദേഹം പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക