|    Jan 21 Sat, 2017 5:38 am
FLASH NEWS

ക്രൈമിയ: താതാര്‍ സ്വയംഭരണ സംവിധാനം മജ്‌ലിസ് റഷ്യന്‍ കോടതി നിരോധിച്ചു

Published : 28th April 2016 | Posted By: SMR

മോസ്‌കോ: ക്രൈമിയയിലെ താതാര്‍ സമുദായത്തില്‍പ്പെട്ടവരുടെ സ്വയംഭരണ സംവിധാനമായ മജ്‌ലിസ് റഷ്യന്‍ കോടതി നിരോധിച്ചു. മജ്‌ലിസ് തീവ്രവാദ സംഘടനയാണെന്നും റഷ്യന്‍ നിയന്ത്രണത്തിലുള്ള ക്രൈമിയന്‍ സുപ്രിം കോടതി അഭിപ്രായപ്പെട്ടു. ഉെക്രയ്‌നിന്റെ ഭാഗമായിരുന്ന, റഷ്യയോട് കൂട്ടിച്ചേര്‍ത്ത ക്രൈമിയയിലെ തദ്ദേശീയ വിഭാഗത്തിനെതിരായ നീക്കങ്ങളുടെ ഭാഗമായാണ് കോടതിവിധി വിലയിരുത്തപ്പെടുന്നത്. മജ്‌ലിസ് നിയമവിരുദ്ധ പ്രവര്‍ത്തനങ്ങള്‍ നടത്തുന്നുവെന്നും ക്രൈമിയയില്‍ ഭരണം നടത്തുന്ന റഷ്യന്‍ അധികൃതര്‍ക്കെതിരേ അട്ടിമറിക്ക് ശ്രമിക്കുന്നുവെന്നും കോടതി വിധിയില്‍ പറയുന്നു. സുപ്രിം കോടതിയുടേത് കുറ്റകരമായ നടപടിയാണെന്ന് വിധിയെക്കുറിച്ച് ഉക്രെയ്ന്‍ പ്രസിഡന്റ് പെട്രോ പൊരോഷെങ്കോ പ്രതികരിച്ചു.
മനുഷ്യാവകാശ സംഘടനകളും വിധിയെ വിമര്‍ശിച്ചു.ന്യൂനപക്ഷങ്ങളുടെ അവകാശങ്ങള്‍ നശിപ്പിക്കുന്ന നടപടിയാണ് റഷ്യ സ്വീകരിക്കുന്നതെന്ന് ആംനെസ്റ്റി ഇന്റര്‍നാഷനല്‍ അഭിപ്രായപ്പെട്ടു. ക്രൈമിയയുടെ ജനസംഖ്യയില്‍ 13 ശതമാനത്തോളമാണ് താതാര്‍ വിഭാഗത്തിന്റെ പ്രാതിനിധ്യം. 2014ല്‍ ക്രൈമിയയെ റഷ്യയിലേക്ക് കൂട്ടിച്ചേര്‍ത്ത തിനെ മജ്‌ലിസ് എതിര്‍ത്തിരുന്നു.

Share on FacebookShare on Google+Tweet about this on TwitterShare on LinkedIn
(Visited 63 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക