|    May 27 Sat, 2017 2:37 am
FLASH NEWS

ക്രമിനല്‍ കേസുകളിലെ പ്രതികള്‍ മാരകായുധങ്ങളുമായി പിടിയില്‍

Published : 21st January 2016 | Posted By: SMR

കഴക്കൂട്ടം: നിരവധി കേസുകളില്‍ പ്രതികളായ രണ്ടുപേര്‍ മാരകായുധങ്ങളുമായി പിടിയില്‍. വാവറമ്പലം കാവുവിള വിജിത് ഭവനില്‍ കുഞ്ഞുമോന്‍(30), നന്നാട്ടുകാവ് പള്ളിനട കുന്നത്ത് വീട്ടില്‍ താമസം അല്‍ അമീന്‍ (22) എന്നിവരാണ് പിടിയിലായത്.
20 ഓളം കേസുകളില്‍ പ്രതിയാണ് കുഞ്ഞുമോന്‍. വാവറ അമ്പലം സ്വദേശിയായ ഒരു യുവാവിനെ ആക്രമിക്കാന്‍ ആയുധങ്ങളുമായി എത്തിയതറിഞ്ഞ് സ്ഥലത്തെത്തിയ പോലിസ് ഇരുവരെയും പിടികൂടുകയായിരുന്നു. ഇവരുടെ കൈയില്‍നിന്നും രണ്ട് വാളുകളും ഇരുമ്പ് പൈപ്പുകളും പിടിച്ചെടുത്തു. ഗുണ്ടാ നേതാവായിരുന്ന മൊട്ട അനിയെയും വാവറമ്പലം സ്വദേശി ജയനെയും വെട്ടിക്കൊലപ്പെടുത്തിയ കേസില്‍ പ്രതിയാണ് കുഞ്ഞുമോന്‍.
മംഗലാപരും സ്വദേശി ഷിബു എന്നയാളുടെ കൈവെട്ടിയ കേസിലും കാട്ടായിക്കോണം ജനകീയ സമിതി പ്രസിഡന്റ് മറവൂപ്പാറ സുരേഷിനെ കൊലപ്പെടുത്താന്‍ ശ്രമിച്ച കേസിലും ഇയാള്‍ പ്രതിയാണ്. പോത്തന്‍കോട് സിഐ പ്രമോദ് കൃഷ്ണന്‍, പോത്തന്‍കോട് എസ്‌ഐ എസ് ശ്രീജിത്ത്, എസ്‌ഐ സുധാകരന്‍ എഎസ്‌ഐ മാരായ നാസറുദ്ദീന്‍, കൃഷ്ണ പ്രസാദ്, പോലിസുകാരായ മനു, സനല്‍ എന്നിവരുള്‍പ്പെട്ട പോലിസ് സംഘമാണ് പ്രതികളെ അറസ്റ്റ് ചെയ്തത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day