|    Sep 25 Tue, 2018 2:44 am
FLASH NEWS
Home   >  Kerala   >  

കോഴിക്കോട് നിപാ വൈറസ് ബാധിച്ച ഒരാള്‍ കൂടി മരിച്ചു

Published : 27th May 2018 | Posted By: mtp rafeek


കോഴിക്കോട്: നിപാ വൈറസ്  ബാധ സ്ഥിരീകരിച്ച ഒരാള്‍ കൂടി മരിച്ചു. കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന പാലാഴി സ്വദേശി എബിനാണ് (26) ഇന്ന് മരിച്ചത്. ഇതോടെ നിപാ ബാധിച്ച് മരിച്ചവരുടെ എണ്ണം 14 ആയി.

നിപാ വൈറസ് ബാധയെന്ന് സംശയിക്കുന്ന ഒമ്പത് പേരെ കൂടി ഇന്ന് കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചിട്ടുണ്ട്. വൈറസ് ബാധ സ്ഥിരീകരിച്ചവരുടെ ബന്ധുക്കളടക്കം 175 പേര്‍ ആരോഗ്യവകുപ്പിന്റെ നിരീക്ഷണത്തിലാണെന്ന് നേരത്തെ ആരോഗ്യമന്ത്രി കെ കെ ശൈലജ അറിയിച്ചിരുന്നു.

കോഴിക്കോട് ജില്ലയിലെ നിപാ വൈറസ് ബാധയുടെ ഉറവിടം ഒന്നാണെന്നും ഇതുവരെ ആകെ 15 പേര്‍ക്കാണ് നിപാ ബാധ സ്ഥിരീകരിച്ചതെന്നും മന്ത്രി അറിയിച്ചു. അതില്‍ 12 പേര്‍ മരിച്ചു. ആദ്യം മരിച്ച പേരാമ്പ്രയിലെ സാബിത്തിനെ കൂടാതെയാണിത്. സാബിത്തിന്റെ സ്രവം വിദഗ്ധ പരിശോധന നടത്താത്തതിനാല്‍ വൈറസ് ബാധ സ്ഥിരീകരിച്ചിരുന്നില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss