|    Nov 21 Wed, 2018 1:49 pm
FLASH NEWS
Home   >  Todays Paper  >  Page 1  >  

കോഴിക്കോട്ട് നിരോധനാജ്ഞ: ഇന്നു മുതല്‍ ഇളവ്

Published : 22nd April 2018 | Posted By: kasim kzm

കോഴിക്കോട്: കേരള പോലിസ് ആക്ടിലെ 78, 79 വകുപ്പുകള്‍ പ്രകാരം കോഴിക്കോട് സിറ്റി പോലിസ് പരിധിയില്‍ 18ാം തിയ്യതി മുതല്‍ സിറ്റി പോലിസ് കമ്മീഷണര്‍ ഏഴു ദിവസത്തേക്കു പ്രഖ്യാപിച്ച നിരോധനാജ്ഞയില്‍ ഇന്നു മുതല്‍ 14 ദിവസത്തേക്കു നിയന്ത്രണത്തോടെ ഇളവ് പ്രഖ്യാപിച്ചു. നഗരത്തിലെ ക്രമസമാധാനനില മെച്ചപ്പെട്ടതായുള്ള സ്‌പെഷ്യല്‍ ബ്രാഞ്ച് റിപോര്‍ട്ടിന്റെ അടിസ്ഥാനത്തിലാണ്  ഇളവ്. നഗരത്തില്‍ പ്രകടനങ്ങള്‍, പൊതുസമ്മേളനങ്ങള്‍, റാലികള്‍, മാര്‍ച്ച് തുടങ്ങിയവ പോലിസിന്റെ അനുമതിയോടെ നടത്താം. ഇതിനായി സബ് ഡിവിഷനല്‍ പോലിസ് ഓഫിസര്‍മാര്‍ക്ക് ഒരാഴ്ച മുമ്പ് അപേക്ഷ നല്‍കണം. അപേക്ഷയില്‍ പരിപാടിയുടെ ഉദ്ദേശ്യലക്ഷ്യം, പ്രതീക്ഷിക്കുന്ന ആളുകളുടെ എണ്ണം, സ്ഥലം, സമയം, റൂട്ട് രേഖപ്പെടുത്തണം. പോലിസ് അനുമതി ലഭിച്ചാലും സാമുദായിക വികാരം ആളിക്കത്തിക്കുന്നതോ രാഷ്ട്രസുരക്ഷ അപായപ്പെടുത്തുന്നതോ ആയ ചിത്രങ്ങള്‍, ചിഹ്നങ്ങള്‍, പ്ലക്കാര്‍ഡുകള്‍, ലഘുലേഖകള്‍, പുസ്തകങ്ങള്‍ എന്നിവ അനുവദിക്കില്ലെന്ന് സിറ്റി പോലിസ് വാര്‍ത്താക്കുറിപ്പില്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss