|    Oct 16 Tue, 2018 1:10 pm
FLASH NEWS

കോഴിക്കര്‍ഷകനെ മര്‍ദിച്ച സംഭവം: ഡിസിസി പ്രസിഡന്റ് സന്ദര്‍ശിച്ചു

Published : 12th May 2018 | Posted By: kasim kzm

മട്ടന്നൂര്‍: കൂടാളി പഞ്ചായത്തിലെ കൊളപ്പയില്‍ കോഴിക്കര്‍ഷകനെ സിപിഎം നേതാക്കള്‍ പീഡിപ്പിച്ചത് വിവാദത്തില്‍. പ്രാദേശിക നേതാവിന്റെ ഒത്താശയോടെ എത്തിയ ഗുണ്ടാസംഘം മുണ്ടേരി കാനച്ചേരി സ്വദേശി ഒ കെ ഫരീദിനെ ഉടുമുണ്ടു കൊണ്ട് തെങ്ങില്‍ കെട്ടിയിട്ട് ക്രൂരമായി മര്‍ദിക്കുകയായിരുന്നു. ഗുണ്ടകള്‍ ഫാം പൂട്ടിയതോടെ വെള്ളവും തീറ്റയും കിട്ടാതെ കോഴികള്‍ ചത്തൊടുങ്ങി.
സംഭവത്തില്‍ മട്ടന്നൂര്‍ പോലിസ് കേസെടുത്തെങ്കിലും പ്രതികളെ അറസ്റ്റ് ചെയ്തിട്ടില്ല. സംഭവസ്ഥലം ഡിസിസി പ്രസിഡന്റ് സതീശന്‍ പാച്ചേനി സന്ദര്‍ശിച്ചു.
ജില്ലാ പോലിസ് നേരിട്ട് അന്വേഷണം നടത്തി ജാമ്യമില്ലാ വകുപ്പ് പ്രകാരം കേസെടുക്കണമെന്ന് അദ്ദേഹം പറഞ്ഞു. കൂടാളി മണ്ഡലം പ്രസിഡന്റ് പി വി ഹരിദാസ്, സുധീരന്‍, സി കെ രാജേഷ് എന്നിവരും ഒപ്പമുണ്ടായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss