|    Nov 21 Wed, 2018 6:07 am
FLASH NEWS
Home   >  Todays Paper  >  Page 4  >  

കോള്‍ടാക്‌സി ഡ്രൈവര്‍ കൊല്ലപ്പെട്ട നിലയില്‍

Published : 27th March 2018 | Posted By: kasim kzm

തൃശൂര്‍: പുതൂര്‍ക്കര സ്വദേശിയായ കോള്‍ടാക്‌സി ഡ്രൈവറെ ബംഗളൂരു ഹൊസൂരില്‍ ദുരൂഹസാഹചര്യത്തില്‍ കൊല്ലപ്പെട്ട നിലയില്‍ കണ്ടെത്തി. പുതൂര്‍ക്കര സ്വദേശി തറയില്‍ വീട്ടില്‍ സോമന്റെ മകന്‍ റിന്‍സനാണു മരിച്ചത്. റിട്ടയേര്‍ഡ് പട്ടാളക്കാരനായ സോമനും കുടുംബവും വര്‍ഷങ്ങളായി ബംഗളൂരുവില്‍ സ്ഥിരതാമസക്കാരാണ്.
ഒലെ കോള്‍ടാക്‌സി ഡ്രൈവറായ റിന്‍സന്റെ കാറിന് കഴിഞ്ഞ 18നു രാത്രി 11.30നാണ് അവസാന ട്രിപ്പ് ബുക്ക് ചെയ്തിരിക്കുന്നത്. ഇതിന് ശേഷം മൊബൈല്‍ ഫോണ്‍ സ്വിച്ച് ഓഫ് ചെയ്ത നിലയിലായിരുന്നു. വാഹനം തട്ടിയെടുക്കാന്‍ നടത്തിയ കൊലപാതകമാണെന്നാണ്് സംശയം.
ദേഹോപദ്രവം ഏല്‍പ്പിച്ച ശേഷമാണു റിന്‍സനെ കൊലപ്പെടുത്തിയതെന്നു ബന്ധുക്കള്‍ പറഞ്ഞു. റിന്‍സന്റെ ദേഹമാസകലം സിഗരറ്റ് കൊണ്ട് പൊള്ളിച്ച പാടുണ്ട്. തലയുടെ പുറകില്‍ ആഴത്തില്‍ മുറിവേറ്റ പാടുകളുമുണ്ടെന്നും ബന്ധുക്കള്‍ പറഞ്ഞു. ഏഴുദിവസം മുമ്പാണു റിന്‍സനെ കാണാതാവുന്നത്. റിന്‍സന്‍ ഓടിച്ചിരുന്ന കാറില്‍ മൂന്നു പേര്‍ ഉണ്ടായിരുന്നതായാണു സൂചന. ഹൊസൂരിലെ ടോള്‍ ബൂത്തിലെ സിസി ടിവി ദൃശ്യങ്ങള്‍ പോലിസിന് ലഭിച്ചു. ഈ ദൃശ്യങ്ങള്‍ കേന്ദ്രീകരിച്ചാണ് അന്വേഷണം നടക്കുന്നത്. റിന്‍സന്റെ മൃതദേഹം ഒളരിയിലുള്ള പിതാവിന്റെ ജ്യേഷ്ഠന്‍ ഡേവിഡിന്റെ വീട്ടിലെത്തിച്ച് ഇന്നു രാവിലെ ഒളരി പള്ളിയില്‍ സംസ്‌കരിക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss