|    Aug 18 Sat, 2018 10:06 pm
FLASH NEWS
Home   >  Todays Paper  >  Page 4  >  

കോളജ് രാഷ്ട്രീയം തടയണമെന്നാവശ്യപ്പെട്ട് ഹൈക്കോടതിയില്‍ ഹരജി

Published : 10th July 2018 | Posted By: kasim kzm

കൊച്ചി: കോളജുകളിലും സ്‌കൂളുകളിലും രാഷ്ട്രീയപ്രവര്‍ത്തനം പാടില്ലെന്ന ഉത്തരവ് കര്‍ശനമായി പാലിക്കാന്‍ സംസ്ഥാന സര്‍ക്കാരിനും വിദ്യാഭ്യാസ വകുപ്പിനും ഡിജിപിക്കും നിര്‍ദേശം നല്‍കണമെന്നാവശ്യപ്പെട്ട് ചെങ്ങന്നൂര്‍ സ്വദേശി എല്‍ എസ് അജോയ് ഹൈക്കോടതിയില്‍ ഹരജി നല്‍കി.
കാംപസുകളിലെ രാഷ്ട്രീയം നിയന്ത്രിക്കാന്‍ നടപടി വേണമെന്ന് ഹൈക്കോടതി പലതവണ പറഞ്ഞിട്ടും സര്‍ക്കാരിന്റെ ഭാഗത്തു നിന്ന് ഫലപ്രദമായ നടപടി ഉണ്ടായില്ലെന്നും മഹാരാജാസ് കോളജിലെ അഭിമന്യുവിന്റെ കൊലപാതകം ഇതിനു തെളിവാണെന്നും ഹരജിക്കാരന്‍ ആരോപിക്കുന്നു. രണ്ട് വിദ്യാര്‍ഥി യൂനിയനുകള്‍ തമ്മിലുള്ള വഴക്കാണ് അഭിമന്യുവിന്റെ കൊലപാതകത്തിന് കാരണം. കാംപസ് രാഷ്ട്രീയം നിയന്ത്രിക്കാന്‍ സര്‍ക്കാര്‍ നടപടിയെടുത്തില്ലെങ്കില്‍ ഇത്തരം അനിഷ്ടസംഭവങ്ങള്‍ മറ്റ് കാംപസുകളിലും തുടരുമെന്നും ഹരജിയില്‍ പറയുന്നു. ഹൈക്കോടതി ഉത്തരവ് നടപ്പാക്കാന്‍ നടപടിയെടുത്തിരുന്നെങ്കില്‍ അഭിമന്യു കൊല്ലപ്പെടില്ലായിരുന്നു.
സ്‌കൂളുകളിലും കോളജുകളിലും രാഷ്ട്രീയപ്രവര്‍ത്തനം തടയണം, രാഷ്ട്രീയപ്പാര്‍ട്ടികളുടെ കാംപസിലെ യോഗങ്ങള്‍ തടയണം, ഇത്തരം യോഗങ്ങളില്‍ പങ്കെടുക്കുന്നതില്‍ നിന്ന് വിദ്യാര്‍ഥികളെ വിലക്കണം എന്നിങ്ങനെയുള്ള ആവശ്യങ്ങളും ഹരജിക്കാരന്‍ ഉന്നയിച്ചിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss