|    Feb 24 Sat, 2018 1:58 pm
FLASH NEWS
Home   >  Todays Paper  >  Page 4  >  

കോളജ് പ്രിന്‍സിപ്പല്‍ അറസ്റ്റില്‍

Published : 12th December 2017 | Posted By: kasim kzm

കൊണ്ടോട്ടി: വിമാനത്താവളത്തില്‍ പഠിക്കാനെത്തിയ വിദ്യാര്‍ഥിനി കെട്ടിടത്തില്‍ നിന്ന് ചാടിയ സംഭവത്തില്‍ കോളജ് പ്രിന്‍സിപ്പല്‍ അറസ്റ്റില്‍. തിരുവനന്തപുരത്തെ ഐപിഎംഎസ് കോളജ് പ്രിന്‍സിപ്പല്‍ ശ്രീകാര്യം കൈലാസില്‍ ദീപ മണികണ്ഠനെ(42)യാണ് കോയമ്പത്തൂരില്‍ വച്ച് മലപ്പുറം ഡിവൈഎസ്പി തോട്ടത്തില്‍ ജലീല്‍ അറസ്റ്റ് ചെയ്തത്. തിരുവനന്തപുരം ശാസ്തമംഗലം സ്വദേശി ആതിര(21)യാണ് കരിപ്പൂര്‍ വിമാനത്താവളത്തിന് സമീപത്തെ ലോഡ്ജില്‍ നിന്നു ചാടിയത്. കേസില്‍ സഹപാഠികളായ അഞ്ച് പെണ്‍കുട്ടികളെ പോലിസ് കഴിഞ്ഞയാഴ്ച അറസ്റ്റ് ചെയ്തിരുന്നു. അറസ്റ്റിലായ വിദ്യാര്‍ഥികളെ കുറ്റകൃത്യത്തിന് പ്രേരിപ്പിച്ചതിനാണ് കോളജ് പ്രിന്‍സിപ്പല്‍ അറസ്റ്റിലായത്. തിരുവനന്തപുരത്ത് ഐപിഎംഎസ് കോളജില്‍ രണ്ടാംവര്‍ഷ ബിബിഎ ഏവിയേഷന്‍ വിദ്യാര്‍ഥിയായ ആതിര വിമാനത്താവളത്തിലെ പരിശീലനത്തിനായാണ് മൂന്നാഴ്ച മുമ്പ് കരിപ്പൂരിലെത്തിയത്. കഴിഞ്ഞ 30നാണ് ആതിര കെട്ടിടത്തിന്റെ മൂന്നാംനിലയില്‍ നിന്നു ചാടിയത്. സഹപാഠികള്‍ വ്യക്തിപരമായ കാര്യങ്ങളില്‍ ഇടപെട്ട് മാനസികമായി പീഡിപ്പിക്കുകയും ദേഹോപദ്രവമേല്‍പ്പിക്കുകയും പട്ടികജാതിക്കാരി എന്ന നിലയില്‍ അപമാനിക്കുകയും ചെയ്തതായി ആതിര പോലിസിന് മൊഴി നല്‍കിയിരുന്നു. കേസന്വേഷണത്തിനിടെയാണ് പ്രിന്‍സിപ്പലിനെതിരേയും അന്വേഷണമുണ്ടായത്. ഗുരുതരമായി പരിക്കേറ്റ ആതിര ചികില്‍സയിലാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss