|    Nov 20 Mon, 2017 5:58 am
FLASH NEWS

കോളച്ചേരിയില്‍ സിപിഎം ഓഫിസിന്നേരെ ആക്രമണം

Published : 7th June 2017 | Posted By: fsq

 

കമ്പില്‍: സിപിഎം കോളച്ചേരി ലോക്കല്‍ കമ്മിറ്റി ഓഫിസ് പ്രവര്‍ത്തിക്കുന്ന കരിങ്കല്‍കുഴിയിലെ പാടിക്കുന്ന് രക്തസാക്ഷി സ്മാരക മന്ദിരത്തിനു നേരെ ആക്രമണം. കഴിഞ്ഞ ദിവസം അര്‍ധരാത്രിയാണ് സംഭവം. റോഡരികില്‍ പ്രവര്‍ത്തിക്കുന്ന കോണ്‍ക്രീറ്റ് കെട്ടിടത്തിന്റെ ജനല്‍ച്ചില്ലുകള്‍ കല്ലേറില്‍ തകര്‍ന്നു. സാമൂഹികവിരുദ്ധരാണ് പിന്നിലെന്ന് സംശയിക്കുന്നു. ലോക്കല്‍ സെക്രട്ടറി ഇ പി കുഞ്ഞിരാമന്റെ പരാതിയില്‍ മയ്യില്‍ പോലിസ് കേസെടുത്തു. എസ്‌ഐ ബാബുമോനും സംഘവും സ്ഥലത്തെത്തി തെളിവെടുത്തു. നവീകരിച്ച കെട്ടിടം ഇക്കഴിഞ്ഞ മെയ് നാലിന് സിപിഎം കേന്ദ്രകമ്മിറ്റിയംഗം എ വിജയരാഘവനാണ് ഉദ്ഘാടനം ചെയ്തത്. സംഭവമറിഞ്ഞ മന്ത്രി കടകംപള്ളി സുരേന്ദ്രന്‍, സിപിഎം മയ്യില്‍ ഏരിയാ സെക്രട്ടറി ബിജു കണ്ടക്കൈ തുടങ്ങിയ നേതാക്കള്‍ ഓഫിസ് സന്ദര്‍ശിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക