|    Dec 18 Mon, 2017 10:12 pm
FLASH NEWS

കോലഴി അപകടം നാടിനെ മുള്‍മുനയില്‍ നിര്‍ത്തി

Published : 29th February 2016 | Posted By: SMR

തൃശൂര്‍: കോലഴിയില്‍ ടാങ്കര്‍ലോറിയും കാറും കൂട്ടിയിടിച്ചുണ്ടായ അപകടം മണിക്കൂറുകളോളം നാടിനെ മുള്‍മുനയില്‍ നിര്‍ത്തി. അപകടത്തെ തുടര്‍ന്ന് മറിഞ്ഞ ലോറിയില്‍നിന്നും ഇന്ധനം ചോര്‍ന്നത് അപകടസാധ്യത വര്‍ധിപ്പിച്ചിരുന്നു. അല്‍പം അശ്രദ്ധപോലും വലിയ അപകടത്തിനിടയാക്കുമെന്ന സാഹചര്യമുണ്ടായിരുന്നു.
ഫയര്‍ഫോഴ്‌സിന്റെയും പോലിസിന്റെയും ജാഗ്രതയോടെയുള്ള പ്രവര്‍ത്തനമാണ് പ്രശ്‌നങ്ങള്‍ പരിഹരിച്ചത്. പ്രദേശത്തെ വൈദ്യുതിബന്ധം വിച്ഛേദിക്കുകയാണ് അധികൃതര്‍ ആദ്യം ചെയ്തത്. മറിഞ്ഞ ടാങ്കര്‍ ക്രെയിന്‍ ഉപയോഗിച്ച് ഉയര്‍ത്തിയശേഷം റോഡില്‍ പടര്‍ന്ന പെട്രോള്‍ നിര്‍വീര്യമാക്കാനായി ശക്തമായി വെള്ളംചീറ്റി. അരമണിക്കൂറിലധികം വെള്ളം ചീറ്റിയാണ് റോഡില്‍നിന്നും പെട്രോള്‍ നീക്കംചെയ്തത്. അപകടസാധ്യത മുന്നില്‍കണ്ട് സംഭവസ്ഥലത്തുനിന്നും നാട്ടുകാരെയും യാത്രക്കാരെയും പോലിസ് ഒഴിപ്പിച്ചു പ്രദേശം വടംകെട്ടി തിരിച്ചിരുന്നു.
എസിപിമാരായ എ സി ജോസ്, ജയചന്ദ്രന്‍പിള്ള, ഫയര്‍ഫോഴ്‌സ് ഓഫിസര്‍ എസി ലാസര്‍ എന്നിവരാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്.
ലോറി ഡ്രൈവറെയും കാറിലുണ്ടായിരുന്നവരെയും പരിക്കുകളോടെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss