|    Mar 27 Mon, 2017 4:22 pm
FLASH NEWS

കോപ അമേരിക്ക ഫിക്‌സ്ചര്‍ പ്രഖ്യാപിച്ചു ; അര്‍ജന്റീനയും ചിലിയും ഒരേ ഗ്രൂപ്പില്‍

Published : 23rd February 2016 | Posted By: swapna en

ന്യൂയോര്‍ക്ക്: ഈ വര്‍ഷം നടക്കാനിരിക്കുന്ന കോപ അമേരിക്ക ഫുട്‌ബോള്‍ ടൂര്‍ണമെന്റിന്റെ ഫിക്‌സ്ചര്‍ പ്രഖ്യാപിച്ചു. കഴിഞ്ഞ തവണ കലാശപ്പോരാട്ടത്തില്‍ നേര്‍ക്കുനേര്‍ പോരടിച്ച അര്‍ജന്റീനയും ചിലിയും ഒരേ ഗ്രൂപ്പില്‍ ഇടം നേടിയതാണ് ശ്രദ്ധേയം. ഗ്രൂപ്പ് ഡിയിലാണ് അര്‍ജന്റീനയും ചിലിയും ഇടംപിടിച്ചിരിക്കുന്നത്. ഗ്രൂപ്പിലെ ആദ്യ മല്‍സരം ഇരു ടീമും തമ്മിലാണ്. ജൂണ്‍ ആറിന് അര്‍ജന്റീന-ചിലി മല്‍സരം അരങ്ങേറുന്നത്. കഴിഞ്ഞ തവണ ഫൈനലില്‍ ഇരു ടീമും മുഖാമുഖം വന്നപ്പോള്‍ പെനാല്‍റ്റി ഷൂട്ടൗട്ടില്‍ അര്‍ജന്റീനയെ പരാജയപ്പെടുത്തി ചിലി ചാംപ്യന്‍മാരായിരുന്നു. ഇരുവര്‍ക്കും പുറമേ പനാമ, ബൊളീവിയ എന്നിവരാണ് ഗ്രൂപ്പ് ഡിയില്‍ ഇടം നേടിയ മറ്റു ടീമുകള്‍. മുന്‍ ചാംപ്യന്‍മാരായ ബ്രസീല്‍ ഗ്രൂപ്പ് ബിയിലാണ് ഇടംപിടിച്ചിരിക്കുന്നത്.ഗ്രൂപ്പ് എ: അമേരിക്ക, കൊളംബിയ, കോസ്റ്ററിക്ക, പരാഗ്വേ. ഗ്രൂപ്പ് ബി: ബ്രസീല്‍, ഇക്വഡോര്‍, ഹെയ്ത്തി, പെറു. ഗ്രൂപ്പ് സി: മെക്‌സിക്കോ, ഉറുഗ്വേ, ജമൈക്ക, വെനീസ്വേല. ജൂണ്‍ മൂന്നിന് നടക്കുന്ന ഉദ്ഘാടന മല്‍സരത്തില്‍ ആതിഥേയരായ അമേരിക്ക കൊളംബിയയെ എതിരിടും. ജൂണ്‍ 26നാണ് ടൂര്‍ണമെന്റിന്റെ കലാശപ്പോരാട്ടം അരങ്ങേറുന്നത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day