|    May 30 Tue, 2017 1:08 pm
FLASH NEWS

കോന്നി, പത്തനംതിട്ട, അടൂര്‍ ഉപജില്ലകള്‍ കുതിക്കുന്നു

Published : 6th January 2016 | Posted By: SMR

തിരുവല്ല: തിരുവല്ലയില്‍ നടക്കുന്ന പത്തനംതിട്ട റവന്യൂ ജില്ലാ സ്‌കൂള്‍ കലോല്‍സവം രണ്ടുനാള്‍ പിന്നിട്ടപ്പോള്‍ യുപി, ജനറല്‍ വിഭാഗത്തില്‍ കോന്നി, പത്തനംതിട്ട,അടൂര്‍ ഉപജില്ലകള്‍ മുന്നിലെത്താന്‍ കുതിക്കുന്നു. ഹൈസ്‌കൂള്‍ വിഭാഗത്തില്‍ തിരുവല്ല, കോന്നി എന്നീ ഉപജില്ലകളാണ് മുന്നിലെത്താന്‍ മല്‍സര രംഗത്തുള്ളത്. തൊട്ടടുത്തു തന്നെ അടൂര്‍ ഉപജില്ലയുമുണ്ട്.
ഹയര്‍ സെക്കന്‍ഡറി വിഭാഗത്തില്‍ 132 പോയന്റുകളോടെ കോന്നി ഉപജില്ല മുന്നിലാണ്. 129 പോയിന്റ് നേടി തിരുവല്ലയും 95 പോയന്റോടെ അടൂരും മുന്നിലെത്താന്‍ ശ്രമം തുടരുകയാണ്.
സ്‌കൂളുകളുടെ അടിസ്ഥാനത്തില്‍ യുപി വിഭാഗത്തില്‍ തിരുമൂലപുരം തിരുമൂലവിലാസം യുപി സ്‌കൂളാണ് മുന്നില്‍. ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ കിടങ്ങന്നൂര്‍ എസ്‌വിജിവിഎച്ച്‌സ്എസ് മുന്നിലാണ്. ഹയര്‍ സെക്കന്‍ഡറി വിഭാഗത്തില്‍ കോന്നി ഗവ.എച്ചഎസ്എസ് പിന്നിലുണ്ട്. സംസ്‌കൃത കലോല്‍സവത്തില്‍ യു പി വിഭാഗത്തില്‍ 60 പോയന്റുകള്‍ വീതം നേടി അടൂര്‍, തിരുവല്ല ഉപജില്ലകള്‍ ഒപ്പത്തിനൊപ്പം മല്‍സര രംഗത്ത് പൊരുതുന്നു.
ഹൈസ്‌കൂള്‍ വിഭാഗത്തില്‍ 33 പോയിന്റുകള്‍ നേടിയ കോന്നി ഉപജില്ലയെ മറികടക്കാന്‍ 31 പോയന്റു നേടിയ റാന്നി ഉപജില്ല പോരാട്ടത്തിലാണ്.
അറബിക് കലോല്‍സവത്തില്‍ പത്തനംതിട്ട, അടൂര്‍ ഉപജില്ലകള്‍ തമ്മിലാണ് കിരീടത്തിനു വേണ്ടി മല്‍സര രംഗത്ത് മുന്നിലുള്ളത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day