|    Apr 23 Mon, 2018 5:31 am
FLASH NEWS
Home   >  Todays Paper  >  page 7  >  

കോണ്‍റാഡ് സാങ്മ അധികാരമേറ്റു

Published : 7th March 2018 | Posted By: kasim kzm

ഷില്ലോങ്: മേഘാലയയുടെ പുതിയ മുഖ്യമന്ത്രിയായി നാഷനല്‍ പീപ്പിള്‍സ് പാര്‍ട്ടി (എന്‍പിപി) അധ്യക്ഷന്‍ കോണ്‍റാഡ് സാങ്മ സത്യപ്രതിജ്ഞ ചെയ്തു. 11 മന്ത്രിമാരും സത്യപ്രതിജ്ഞ ചെയ്തിട്ടുണ്ട്. രാജ്ഭവനില്‍ നടന്ന ചടങ്ങില്‍ ഗവര്‍ണര്‍ ഗംഗ പ്രസാദ് ആണു സത്യവാചകം ചൊല്ലിക്കൊടുത്തത്.കേന്ദ്ര ആഭ്യന്തര മന്ത്രി രാജ്‌നാഥ് സിങ്, ബിജെപി അധ്യക്ഷന്‍ അമിത് ഷാ, മണിപ്പൂര്‍ മുഖ്യമന്ത്രി എന്‍ ബിരേന്ദ്ര സിങ്, ബിജെപി ദേശീയ വക്താവ് നിതിന്‍ ഗഡ്കരി എന്നിവര്‍ ചടങ്ങില്‍ സന്നിഹിതരായിരുന്നു.
60 അംഗ നിയമസഭയില്‍ 34 എംഎല്‍എമാര്‍ സാങ്മയ്ക്ക് പിന്തുണ പ്രഖ്യാപിച്ചിട്ടുണ്ട്. എന്‍പിപിയിലെ 19 എംഎല്‍എമാരും യുനൈറ്റഡ് ഡെമോക്രാറ്റിക് പാര്‍ട്ടിയിലെ ആറുപേരും പീപ്പിള്‍സ് ഡെമോക്രാറ്റിക് ഫ്രണ്ടിലെ നാലംഗങ്ങളും ഹില്‍സ്റ്റേറ്റ് പീപ്പിള്‍സ് ഡെമോക്രാറ്റിക് പാര്‍ട്ടി, ബിജെപി എന്നീ കക്ഷികളിലെ രണ്ടുവീതം അംഗങ്ങളും ഒരു സ്വതന്ത്രനുമാണു പിന്തുണ പ്രഖ്യാപിച്ചത്. തിരഞ്ഞെടുപ്പില്‍ ആര്‍ക്കും ഭൂരിപക്ഷം ലഭിച്ചിരുന്നില്ല. കോണ്‍ഗ്രസാണ് ഏറ്റവും വലിയ ഒറ്റകക്ഷി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss