|    May 27 Sat, 2017 12:35 am
FLASH NEWS

കോണ്‍ഗ്രസ്സില്‍ തമ്മിലടി ശക്തം മണ്ഡലം പ്രസിഡന്റിനെ പുറത്താക്കി

Published : 11th November 2015 | Posted By: SMR

ആലുവ: തദ്ദേശതിരഞ്ഞെടുപ്പിലെ തിരിച്ചടിയെതുടര്‍ന്ന് ആലുവയില്‍ കോണ്‍ഗ്രസ്സില്‍ ഗ്രൂപ്പ് കലാപം ശക്തമായി. തോട്ടക്കാട്ടുകര മണ്ഡലം കോണ്‍ഗ്രസ് പ്രസിഡന്റും മുന്‍ നഗരസഭ കൗണ്‍സിലറുമായ ടി ടി ജോര്‍ജിനെ ഇന്നലെ ഡിസിസി പ്രസിഡന്റ് പുറത്താക്കിയതോടെയാണ് ആലുവയിലെ കോണ്‍ഗ്രസ്സിലെ കലാപത്തിനു പുതിയ വഴിയൊരുക്കിയത്.
ആലുവ നിയോജകമണ്ഡലത്തിലാകമാനം തന്നെ തദ്ദേശ തിരഞ്ഞെടുപ്പില്‍ കനത്ത തിരിച്ചടിയാണുണ്ടായത്. ആലുവ നഗരസഭയിലാവട്ടെ കഴിഞ്ഞ ഒരു തവണ 26 ല്‍ 22 സീറ്റും കോണ്‍ഗ്രസ്സിനായിരുന്നു. എന്നാല്‍ ഇപ്പോള്‍ ഇത് 14 ലേക്ക് ചുരുങ്ങുകയായിരുന്നു.
കോണ്‍ഗ്രസ്സിലെ തമ്മിലടിയും ഭരണവൈകല്യങ്ങളുമായിരുന്നു കോണ്‍ഗ്രസ് തകര്‍ച്ചയ്ക്ക് കാരണമായത്. തോട്ടക്കാട്ടുകര മണ്ഡലത്തിലടക്കം മണ്ഡലം പ്രസിഡന്റിന്റെ നേതൃത്വത്തില്‍ തന്നെ കോണ്‍ഗ്രസ് സ്ഥാനാര്‍ഥികള്‍ക്കെതിരേ പാര പണിഞ്ഞെന്നാരോപിച്ചാണ് മണ്ഡലം പ്രസിഡന്റിനെ പാര്‍ട്ടിയില്‍നിന്നും പുറത്താക്കിയത്. ആലുവ നിയോജകമണ്ഡലത്തിലെ ഗ്രൂപ്പ് കലാപവും നഗരസഭയിലെ രൂക്ഷമായ തമ്മിലടിയും വരുന്ന നിയമസഭാ തിരഞ്ഞെടുപ്പില്‍ കോണ്‍ഗ്രസ്സിനു ശക്തമായ തിരിച്ചടിയുണ്ടാവുമെന്ന് ഉറപ്പായിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day