|    Nov 14 Wed, 2018 6:40 pm
FLASH NEWS

കോണ്‍ഗ്രസ്സിന്റെ അനൗണ്‍സ്‌മെന്റ് വാഹനം തടഞ്ഞെന്ന്; എംഎല്‍എയുടെ കോലം കത്തിച്ചു

Published : 26th February 2018 | Posted By: kasim kzm

പീരുമേട്: അനൗണ്‍സ്‌മെന്റ് വാഹനം തടഞ്ഞുനിര്‍ത്തി എംഎല്‍എ ഭീഷണിപ്പെടുത്തിയതായി പരാതി. ഇതില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ ഏലപ്പാറയില്‍ എംഎല്‍എ ഇ എസ്  ബിജിമോളുടെ കോലം കത്തിച്ചു.
കോണ്‍ഗ്രസ് പ്രവര്‍ത്തകരുടെ നേതൃത്വത്തില്‍ എംഎല്‍എയുടെ വസതിയിലേക്ക് പ്രതിഷേധ മാര്‍ച്ചും ധര്‍ണയും നടത്തുന്നതിന്റെ ഭാഗമായാണ് വാഹനത്തില്‍ അനൗണ്‍സ്‌മെന്റ് നടത്തിയത്. രാവിലെ 10.15ഓടെ അനൗണ്‍സ്‌മെന്റ് വാഹനം വില്ലേജ് ഓഫീസിന് സമീപം എത്തി. ഇതേസമയം ഇതുവഴിയെത്തിയ ഇ എസ് ബിജിമോള്‍  എംഎല്‍എ വാഹനം തടഞ്ഞു നിര്‍ത്തുകയും യൂത്ത് കോണ്‍ഗ്രസ് പ്രവര്‍ത്തകരായ അഫിന്‍, ഉമര്‍ എന്നിവരെ ഭീഷണിപ്പെടുത്തുകയും ചെയ്തതായാണ് യൂത്ത് കോണ്‍ഗ്രസ് പ്രവര്‍ത്തകരുടെ ആരോപണം. യൂത്ത് കോണ്‍ഗ്രസ് മണ്ഡലം പ്രസിഡന്റ് ടോണി കെ മാത്യു, അഫിന്‍ ആല്‍ബര്‍ട്ട്, ഒ എസ് ഒമര്‍ ഫറുക്ക്, ആനന്ദ്, ഷിജോ തുടങ്ങിയവര്‍ പ്രതിഷേധത്തില്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss