|    Sep 24 Mon, 2018 3:30 am
FLASH NEWS
Home   >  Todays Paper  >  Page 5  >  

കോണ്‍ഗ്രസ്സാണ് ബിജെപിയുടെ റിക്രൂട്ടിങ് ഏജന്‍സി : പിണറായി വിജയന്‍

Published : 1st May 2017 | Posted By: fsq

 

വടകര: സിപിഎമ്മല്ല കോണ്‍ഗ്രസ്സാണ് ബിജെപിയുടെ രാഷ്ട്രീയ റിക്രൂട്ടിങ് ഏജന്‍സിയെന്ന് മുഖ്യമന്ത്രി പിണറായി വിജയന്‍. ഒഞ്ചിയത്ത് രക്തസാക്ഷി ദിനം ഉദ്ഘാടനം ചെയ്യുകയായിരുന്നു അദ്ദേഹം. കോണ്‍ഗ്രസ്സുകാര്‍ സിപിഎമ്മാണ് ബിജെപിയുടെ റിക്രൂട്ടിങ് ഏജന്‍സിയെന്നു പ്രചരിപ്പിക്കുകയാണ്. പക്ഷേ, മലപ്പുറം ഉപതിരഞ്ഞെടുപ്പടക്കം എടുത്തുനോക്കിയാല്‍ കോണ്‍ഗ്രസ്സാണ് ഇതെന്ന് തിരിച്ചറിയാമെന്ന് അദ്ദേഹം പറഞ്ഞു. ആര്‍എസ്എസിന്റെയും ബിജെപിയുടെയും വളര്‍ച്ചയ്ക്കു കാരണം കോണ്‍ഗ്രസ്സിന്റെ മൃദുസമീപനമാണ്. ബിജെപിയും കോണ്‍ഗ്രസ്സും ദേശീയതലത്തില്‍ എ, ബി ടീമായാണു പ്രവര്‍ത്തിക്കുന്നത്. കേരളസര്‍ക്കാര്‍ ജനങ്ങള്‍ക്കു നല്‍കിയ വാക്കു പാലിക്കാന്‍ പ്രതിജ്ഞാബദ്ധമാണെന്ന് അദ്ദേഹം പറഞ്ഞു. പ്രകടനപത്രികയില്‍ പറഞ്ഞ എല്ലാവര്‍ക്കും വീട്, ലൈഫ്, സൗജന്യ സാര്‍വത്രിക വിദ്യാഭ്യാസം, ജൈവകൃഷി, ആര്‍ദ്രം പദ്ധതികളുമായി സര്‍ക്കാര്‍ മുന്നോട്ടുപോവുമെന്നും പിണറായി പറഞ്ഞു. ചടങ്ങില്‍ പി മോഹനന്‍ അധ്യക്ഷനായി. കെ പി രാജേന്ദ്രന്‍, എം വി ജയരാജന്‍, ഇ കെ വിജയന്‍, സി ഭാസ്‌കരന്‍, ഇ എം ദയാനന്ദന്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss