|    Nov 21 Tue, 2017 10:58 pm
FLASH NEWS
Home   >  Todays Paper  >  page 11  >  

കോണ്‍കകാഫ് ചാംപ്യന്‍സ് ലീഗ്: ക്ലബ്ബ് അമേരിക്കയ്ക്ക് ഡബിള്‍

Published : 29th April 2016 | Posted By: SMR

മെക്‌സിക്കോ സിറ്റി: ലാറ്റിനമേരിക്കന്‍ ക്ലബ്ബുകള്‍ അണിനിരന്ന കോണ്‍കകാഫ് ചാംപ്യന്‍സ് ലീഗ് ഫുട്‌ബോളില്‍ മെക്‌സിക്കോയി ല്‍ നിന്നുള്ള ക്ലബ്ബ് അമേരിക്കയ്ക്കു കിരീടം. തുടര്‍ച്ചയായി രണ്ടാം വര്‍ഷമാണ് ക്ലബ്ബ് അമേരിക്ക കിരീടത്തില്‍ മുത്തമിടുന്നത്. ഈ വിജയത്തോടെ ഈ വര്‍ഷം നടക്കാനിരിക്കുന്ന ഫിഫ ക്ലബ്ബ് ലോകകപ്പിന് മെക്‌സിക്കന്‍ ടീം യോഗ്യത നേടി.
ഇരുപാദങ്ങളിലുമായി നടന്ന കലാശക്കളിയില്‍ നാട്ടുകാരായ ടൈഗ്രസിനെ ക്ലബ്ബ് അമേരിക്ക 4-1നു തകര്‍ക്കുകയായിരുന്നു. കഴിഞ്ഞ ദിവസം നടന്ന രണ്ടാംപാദത്തില്‍ 2-1നാണ് ക്ലബ്ബ് അമേരിക്ക ടൈഗ്രസിനെ കീഴടക്കിയത്. ആദ്യപാദത്തില്‍ ക്ലബ്ബ് അമേരിക്ക 2-0 നു ജയിച്ചിരുന്നു.
രണ്ടാംപാദത്തില്‍ ഒരു ഗോളിനു പിറകില്‍നിന്ന ശേഷമാണ് ക്ലബ്ബ് അമേരിക്ക വിജയത്തിലേക്കു പൊരുതിക്കയറിയത്. 39ാം മിനിറ്റി ല്‍ ആന്ദ്രെ പിയറെ ഗിഗ്‌നാക്കാണ് ടൈഗ്രസിനായി വലകുലുക്കിയത്. 65ാം മിനിറ്റില്‍ മൈക്കല്‍ അരോയോയിലൂടെ ഒപ്പമെത്തിയ ക്ലബ്ബ് അമേരിക്ക 87ാം മിനിറ്റില്‍ ഒസ്‌വാല്‍ഡോ സാഞ്ചസിലൂടെ വിജയഗോള്‍ കണ്ടെത്തി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക