|    Jun 18 Mon, 2018 5:38 am
FLASH NEWS
Home   >  Todays Paper  >  Page 5  >  

കോട്ടയത്ത് ചികില്‍സയിലുള്ള പേരാമ്പ്ര സ്വദേശിക്ക് നിപായില്ല

Published : 26th May 2018 | Posted By: kasim kzm

ആര്‍പ്പൂക്കര (കോട്ടയം): നിപാ വൈറസ് ബാധ സംശയിച്ച് കോട്ടയം മെഡിക്കല്‍ ആശുപത്രിയിലെ മെഡിസിന്‍ ക്രിട്ടിക്കല്‍ കെയര്‍ യൂനിറ്റില്‍ ചികില്‍സയില്‍ കഴിഞ്ഞിരുന്ന പേരാമ്പ്ര സ്വദേശിയായ 57കാരന് നിപാ വൈറസ് ബാധയില്ലെന്ന് മെഡിക്കല്‍ കോളജ് അധികൃതര്‍ അറിയിച്ചു.
ഇന്നലെ രാവിലെ 10നു മണിപ്പാലില്‍ നിന്നും പരിശോധനാ ഫലം കോട്ടയം ഡിഎംഒ ഓഫിസില്‍ ലഭിക്കുകയും അവിടെ നിന്നു മെഡിക്കല്‍ കോളജ് അധികൃതരെ അറിയിക്കുകയുമായിരുന്നു.
ബുധനാഴ്ച രാവിലെ 11നാണ് കോഴിക്കോട് പേരാമ്പ്ര സ്വദേശിയായ 57കാരന്‍ കോട്ടയം മെഡിക്കല്‍ കോളജ് ആശുപത്രിയിലെ മെഡിസിന്‍ ഒപിയില്‍ ചികില്‍സ തേടിയെത്തിയത്.
കടുത്തുരുത്തിയില്‍ ഒരു വിവാഹനിശ്ചയ ചടങ്ങില്‍ പങ്കെടുക്കുന്നതിനാണ് കോഴിക്കോട്ടു നിന്നു ട്രെയില്‍ മാര്‍ഗം കോട്ടയത്തും തുടര്‍ന്ന് കടുത്തുരുത്തിയിലും എത്തിയത്.
അവിടെ എത്തിയപ്പോഴാണ് പനിയും ശ്വാസംമുട്ടലും കൂടിയത്. ഉടനെത്തന്നെ കോട്ടയം മെഡിക്കല്‍ കോളജ് ആശുപത്രിയില്‍ എത്തുകയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss