|    Oct 22 Sun, 2017 3:38 pm
FLASH NEWS
Home   >  News now   >  

കോട്ടക്കല്‍ ആയുര്‍വേദ സര്‍വകലാശാലയുടെ സാധ്യത പരിശോധിക്കും

Published : 30th June 2016 | Posted By: sdq

തിരുവനന്തപുരം: കോട്ടക്കല്‍ ആയുര്‍വേദ സര്‍വകലാശാലയുടെ സാധ്യത പരിശോധിക്കുന്നതിന് പ്രത്യേക സമിതിയെ നിയോഗിക്കുമെന്ന് ആരോഗ്യമന്ത്രി കെകെ ശൈലജ. എല്‍ഡിഎഫ് പ്രഖ്യാപിച്ചിട്ടുളള അന്താരാഷ്ട്ര ആയൂര്‍വേദ ഇന്‍സ്റ്റിറ്റിയൂട്ടിന്റെ കാര്യംകൂടി പരിഗണിച്ചായിരിക്കും സര്‍വകലാശാല സ്ഥാപിക്കുകയെന്ന് മുഖ്യമന്ത്രി പിണറായി വിജയനും അറിയിച്ചു. ആബിദ് ഹുസൈന്‍ അവതരിപ്പിച്ച സബ്മിഷന് നിയമസഭയില്‍ മറുപടി നല്‍കുകയായിരുന്നു ഇരുവരും.
2012 ജൂലൈ 17ന് മുഖ്യമന്ത്രി വിളിച്ച യോഗത്തിലാണ് കോട്ടയ്ക്കലില്‍ ആയൂര്‍വേദ സര്‍വകലാശാല സ്ഥാപിക്കാന്‍ തീരുമാനിച്ചത്. 2013 ല്‍ ഇതുസംബന്ധിച്ച സര്‍ക്കാര്‍ ഉത്തരവിറങ്ങി. സര്‍വകലാശാല സ്ഥാപനവുമായി ബന്ധപ്പെട്ട് 2014 ജനുവരിയില്‍ ല്‍ മലപ്പുറം കലക്ടറെ സ്‌പെഷ്യല്‍ ഓഫിസറായി നിയമിച്ച് ഉത്തരവായി. സര്‍വകലാശാലയുടെ പ്രാഥമിക ചെലവുകള്‍ക്കായി 25 ലക്ഷം രൂപ അനുവദിക്കണമെന്ന് സ്‌പെഷല്‍ ഓഫിസര്‍ ശുപാര്‍ശ ചെയ്തിരുന്നതായും മന്ത്രി ശൈലജ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക