|    Oct 22 Mon, 2018 2:54 pm
FLASH NEWS
Home   >  Todays Paper  >  Page 4  >  

കോടതി വിധികള്‍ ആശങ്കാജനകം: നജീബ് മൗലവി

Published : 30th September 2018 | Posted By: kasim kzm

മലപ്പുറം: സുപ്രിംകോടതിയില്‍ നിന്ന് ഈയിടെ തുടര്‍ച്ചയായുണ്ടായ ഏതാനും വിധികള്‍ ആശങ്കാജനകമാണെന്നു സംസ്ഥാന ജംഇയ്യത്തുല്‍ ഉലമ ജന. സെക്രട്ടറി എ നജീബ് മൗലവി. വിവാഹപൂര്‍വ ബന്ധവും വിവാഹേതര ബന്ധവും സ്വവര്‍ഗരതിയും ഉഭയകക്ഷി സമ്മതപ്രകാരമാണെങ്കില്‍ കുറ്റകരമല്ലെന്ന വിധി രാജ്യത്തു നിലനില്‍ക്കുന്ന സാമൂഹിക സദാചാരബോധത്തിനു വിരുദ്ധവും വിവാഹമോചനവും കുടുംബ ശൈഥില്യവും വര്‍ധിക്കാന്‍ ഇടയാക്കുന്നതാണ്. ഭരണഘടന ഉറപ്പു നല്‍കുന്ന സ്ത്രീ-പുരുഷ തുല്യതയ്ക്കു വിരുദ്ധമാണെന്ന ന്യായത്തില്‍ ശബരിമലയില്‍ യുവതികള്‍ക്കുള്ള വിലക്ക് എടുത്തുകളയുന്ന വിധി മതനിയമങ്ങളിലും ആചാരങ്ങളിലും സര്‍ക്കാരിനും കോടതികള്‍ക്കും ഇടപെടാന്‍ അവസരം സൃഷ്ടിക്കും. മുസ്‌ലിംകള്‍ക്ക് ആരാധന നടത്താന്‍ മസ്ജിദുകള്‍ അനിവാര്യമല്ലെന്ന കോടതി പരാമര്‍ശം ശരിവച്ച വിധിയും മതവിശ്വാസികള്‍ക്കു പള്ളികള്‍ നിര്‍മിക്കാനുള്ള സ്വാതന്ത്ര്യം നിഷേധിക്കാന്‍ പോലും നിമിത്തമായേക്കും. ഇത്തരം വിധികള്‍ ബഹുമാനപ്പെട്ട നീതിപീഠങ്ങളില്‍ നിന്ന് ഉണ്ടാവുന്നത് ഖേദകരമാണെന്നും നജീബ് മൗലവി പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss