|    Apr 22 Sun, 2018 4:22 pm
FLASH NEWS

കോടതി പിടികിട്ടാപ്പുള്ളിയായി പ്രഖ്യാപിച്ച വധശ്രമക്കേസ് പ്രതി പിടിയില്‍

Published : 9th April 2016 | Posted By: SMR

മല്ലപ്പള്ളി: കോടതി പിടികിട്ടാപ്പുള്ളിയായി പ്രഖ്യാപിച്ച വധശ്രമക്കേസിലെ പ്രതിയെ കീഴ്‌വായ്പൂര് പോലിസ് പിടികൂടി. കാഞ്ഞിരപ്പള്ളി പാറത്തോട് കാടമ്പറയില്‍ രാജന്‍ ജോസഫ് (34) ആണ് പോലിസ് പിടിയിലായത്.
2001ല്‍ കൊല്ലം സ്വദേശി മുജീബിന്റെ കാര്‍ ഓട്ടംവിളിച്ച് മുജീബിനെ തോര്‍ത്തുകൊണ്ട കഴുത്ത് ഞെരിച്ച് കൊല്ലാനും കാറുമായി കടക്കാനും ശ്രമിച്ച കേസിലാണ് ഇയാള്‍ പിടിയിലായത്. 15 വര്‍ഷമായി പിടികിട്ടാപ്പുള്ളിയായി ഇയാള്‍ കഴിയുകയായിരുന്നു. മല്ലപ്പള്ളി സിഐക്ക് ലഭിച്ച രഹസ്യവിവരത്തെ തുടര്‍ന്ന് കാഞ്ഞിരപ്പള്ളി സ്‌റ്റേഷനിലെ പോലിസുകാരനായ അജിത്ത് കുമാറിന്റെ സഹായത്തോടെയാണ് പ്രതിയെ പിടികൂടിയത്.
കീഴ്‌വായ്പ്പൂര് എസ്‌ഐ പി ജി പുരുഷോത്തമന്‍ നായര്‍, പോലിസുകാരായ ശ്രീജിത്ത്, സുജിത്ത്, ഷിബു എസ് രാജ് എന്നിവരുടെ നേതൃത്വത്തില്‍ പ്രതിയെ വീട്ടില്‍ നിന്നാണ് പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss