|    Jun 28 Wed, 2017 7:37 am
FLASH NEWS
Home   >  Todays Paper  >  page 7  >  

കൊളീജിയം : ശുപാര്‍ശ ചോദ്യം ചെയ്യുന്ന ഹരജി തള്ളി

Published : 19th June 2017 | Posted By: fsq

 

ന്യൂഡല്‍ഹി: ഉന്നത നീതിപീഠങ്ങളിലെ ജഡ്ജിമാരുടെ പേരുകള്‍ നിര്‍ദേശിക്കുന്നതില്‍ നിന്നു സുപ്രിംകോടതി കൊളീജിയത്തെ തടയണമെന്നാവശ്യപ്പെട്ട് നല്‍കിയ ഹരജിയില്‍ പുനര്‍വാദം കേള്‍ക്കണമെന്ന ഹരജി ഡല്‍ഹി ഹൈക്കോടതി തള്ളി. ഹിമ കൊഹ്ലി, സംഗീതാ ദിംഗ്ര സെഹ്്ഗാള്‍ എന്നിവരടങ്ങിയ ബെഞ്ചാണ് ഹരജി തള്ളിയത്. മാര്‍ച്ച് ഒന്നിന് ഡല്‍ഹി ഹൈക്കോടതി ഡിവിഷന്‍ ബെഞ്ച് പുറപ്പെടുവിച്ച ഉത്തരവ് പുനപ്പരിശോധിക്കണമെന്നാവശ്യപ്പെട്ട് ആര്‍ പി ലുത്ര എന്ന അഭിഭാഷകനാണ് ഹരജി നല്‍കിയത്. നിലവില്‍ സുപ്രിംകോടതി കൊളീജിയം നിര്‍ദേശിച്ച ജഡ്ജിമാരെ ഒഴിവാക്കണമെന്ന് ആവശ്യപ്പെടുന്നില്ലെന്നും എന്നാല്‍, ഈ സമ്പ്രദായം ഭരണഘടനാ വിരുദ്ധമാണെന്നുമായിരുന്നു നേരത്തേ നല്‍കിയ ഹരജിയിലെ ആവശ്യം. ഹൈക്കോടതി ഡിവിഷന്‍ ബെഞ്ച് തന്റെ വാദങ്ങള്‍ കേട്ടില്ലെന്നും അതിനാല്‍ പുനര്‍വാദം കേള്‍ക്കണമെന്നുമാവശ്യപ്പെട്ടായിരുന്നു പുതിയ ഹരജി നല്‍കിയത്. ഹരജി ഹൈക്കോടതി തള്ളി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക