|    Jul 28 Fri, 2017 2:41 am
FLASH NEWS
Home   >  Todays Paper  >  page 12  >  

കൊളംബിയയില്‍ സ്വര്‍ണത്തവളയെ കണ്ടെത്തി

Published : 19th March 2016 | Posted By: G.A.G

golden-frog

ന്യൂയോര്‍ക്ക്: കൊളംബിയയിലെ ആന്‍ഡീസല്‍ മേഘവനങ്ങളില്‍ ഇളം സ്വര്‍ണനിറത്തിലുള്ള തവളയുടെ പുതിയ വര്‍ഗത്തെ ഗവേഷകര്‍ കണ്ടെത്തി. പ്രിസ്റ്റിമാല്‍റിസ് ഡൊറാഡോ എന്നാണ് ഇവയുടെ ശാസ്ത്രീയനാമം. ഡൊറാഡോ എന്നാല്‍ സ്പാനിഷ് ഭാഷയില്‍ സ്വ ര്‍ണം എന്നാണര്‍ഥം. കൊളംബിയ തലസ്ഥാനനഗരിയില്‍ നിന്ന് 10 മൈല്‍ കിഴക്ക് ചിങ്‌സാ നാഷനല്‍ പാര്‍ക്കിനു സമീപത്തുള്ള കുറ്റിക്കാട്ടിലാണ് ഇവയെ കണ്ടെത്തിയത്. ഒരു മെട്രോപോളിറ്റ ന്‍ നഗരമധ്യത്തില്‍ ഇത്തരമൊരു ജൈവവൈവിധ്യം കണ്ടെത്തിയത് ആവാസവ്യവസ്ഥയിലെ പുതിയ കണ്ടെത്തലുകള്‍ക്ക് തുടക്കം കുറിക്കുമെന്ന് സ്മിത്ത് സോണിയന്‍ ട്രോപിക്കല്‍ റിസര്‍ച്ച് ഇന്‍സ്റ്റിറ്റിയൂട്ടില്‍ ഗവേഷകനായ ആന്‍ഡ്രൂ ക്രോഫോര്‍ഡ് പറഞ്ഞു. കണ്ടെത്തിയ സ്വര്‍ണത്തവള ഉഭയജീവി കുടുംബത്തിലെ ഏറ്റവും ചെറുതാണെന്നും ആംഫിബിയ റെപ്റ്റീലിയ എന്ന ജേണലില്‍ വ്യക്തമാക്കുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക