|    Apr 23 Mon, 2018 11:16 pm
FLASH NEWS
Home   >  Todays Paper  >  page 11  >  

കൊല്‍ക്കത്ത സെമി ഫൈനലില്‍

Published : 28th November 2015 | Posted By: SMR

കൊല്‍ക്കത്ത: രണ്ടാമത് ഐഎസ്എല്‍ ടൂര്‍ണമെന്റിന്റെ സെമി ഫൈനലിലെത്തുന്ന ആദ്യ ടീമായി നിലവിലെ ചാംപ്യന്‍മാരായ അത്‌ലറ്റികോ ഡി കൊല്‍ക്കത്ത മാറി. ഇന്നലെ നടന്ന മല്‍സരത്തില്‍ എഫ്‌സി പൂനെ സിറ്റിയെ ഒന്നിനെതിരേ നാലു ഗോളുകള്‍ക്ക് പരാജയപ്പെടുത്തിയാണ് കൊല്‍ക്കത്ത തുടര്‍ച്ചയായ രണ്ടാം തവണയും സെമി ഫൈനല്‍ ടിക്കറ്റ് സ്വന്തമാക്കിയത്.
ഹാട്രിക്കുമായി മിന്നിയ കനേഡിയന്‍ സ്‌ട്രൈക്കര്‍ ഇയാന്‍ ഹ്യൂമിന്റെ ഉജ്ജ്വല പ്രകടനമാണ് സ്വന്തം തട്ടകത്തില്‍ കൊല്‍ക്കത്തയ്ക്ക് തകര്‍പ്പന്‍ ജയം നേടിക്കൊടുത്തത്. ഒമ്പത്, 47, 83 മിനിറ്റുകളിലായിരുന്നു ഹ്യൂം നിറയൊഴിച്ചത്. ഡിജാന്‍ ലെക്കിക്കാണ് കൊല്‍ക്കത്തയുടെ മറ്റൊരു സ്‌കോറര്‍. 86ാം മിനിറ്റില്‍ അഡ്രിയാന്‍ മുട്ടുവാണ് പൂനെയുടെ ആശ്വാസ ഗോള്‍ മടക്കിയത്.
13 മല്‍സരങ്ങളില്‍ നിന്ന് ഏഴാം ജയം കരസ്ഥമാക്കിയ കൊല്‍ക്കത്ത 23 പോയിന്റുമായാണ് സെമി ഫൈനലിലേക്ക് മുന്നേറിയത്. നിലവില്‍ പോയിന്റ് പട്ടികയിലെ ഒന്നാംസ്ഥാനം അലങ്കരിക്കുന്നതും കൊല്‍ക്കത്തയാണ്.
തോല്‍വിയോടെ സീസണിന്റെ തുടക്കത്തില്‍ മികച്ച പ്രകടനം നടത്തിയിരുന്ന പൂനെയുടെ സെമി ഫൈനല്‍ പ്രവേശനം അവതാളത്തിലായി. 12 മല്‍സരങ്ങളില്‍ നിന്ന് 15 പോയിന്റുമായി ആറാം സ്ഥാനത്താണ് പൂനെ.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss