|    Oct 21 Sat, 2017 4:58 am
FLASH NEWS
Home   >  Kerala   >  

കൊലവിളി മുദ്രാവാക്യം: വി മുരളീധരനെതിരെ കേസ്

Published : 8th October 2017 | Posted By: mi.ptk

കണ്ണൂര്‍: ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ നയിക്കുന്ന ജനരക്ഷായാത്രക്കിടെ പ്രകോപനപരമായ മുദ്രാവാക്യം വിളിച്ച സംഭവത്തില്‍ ബിജെപി നേതാവ് വി മുരളീധരനെതിരെ പോലീസ് കേസെടുത്തു. സിപിഎം പ്രവര്‍ത്തകന്‍ നല്‍കിയ പരാതിയുടെ അടിസ്ഥാനത്തില്‍ കൂത്തുപറമ്പ് പോലീസാണ് കേസെടുത്തത്. ജനരക്ഷാ യാത്രയില്‍ സിപിഎം കണ്ണൂര്‍ ജില്ലാ സെക്രട്ടറി പി ജയരാജനെ ഭീഷണിപ്പെടുത്തിയും അധിക്ഷേപിച്ചും മുദ്രാവാക്യം വിളിച്ചതിനെതിരെയാണ് കേസ്. മുദ്രാവാക്യം വിളിച്ച ബിജെപി പ്രവര്‍ത്തകര്‍ക്കെതിരെയും കേസെടുത്തിട്ടുണ്ട്. ഭീഷണി മുദ്രാവാക്യം വിളിച്ചുള്ള യാത്ര ഫെയ്‌സ്ബുക്കില്‍ ലൈവ് ചെയ്തതുവെന്നതാണ് മുരളീധരനെതിരായ കുറ്റം. മനപൂര്‍വ്വം രാഷ്ട്രീയ സംഘര്‍ഷത്തിന് ശ്രമിച്ചു, ഭീഷണിപ്പെടുത്തി എന്നീ വകുപ്പുകള്‍ പ്രകാരമാണ് കേസെടുത്തത്.
ജനരക്ഷാ യാത്ര കണ്ണൂരില്‍ പര്യടനം നടത്തുന്നതിനിടെയാണ് ബിജെപി പ്രവര്‍ത്തകര്‍ പ്രകോപനപരമായ മുദ്രാവാക്യം വിളിച്ചത്. ഒറ്റകൈയ്യാ ജയരാജാ, മറ്റേ കൈയ്യും കാണില്ല എന്നിങ്ങനെയായിരുന്നു മുദ്രാവാക്യം. ഇതിന്റെ വീഡിയോ ദൃശ്യങ്ങള്‍ വി മുരളീധരന്‍ ഫെയ്‌സ്ബുക്കില്‍ പോസ്റ്റ് ചെയ്തിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക