|    Jul 23 Sun, 2017 4:36 pm
FLASH NEWS

കൊലപാതകാസൂത്രണ കേസ്: മുഴുവന്‍ പ്രതികളെയും പിടികൂടി

Published : 21st March 2016 | Posted By: SMR

ചേര്‍പ്പ്: ആര്‍എസ്എസ് ഇരിങ്ങാലക്കുട ജില്ലാ സഹകാര്യ വാഹക് ലൗലേഷിനെ വധിക്കാന്‍ ആസൂത്രണം ചെയ്ത കേസിലെ മുഴുവന്‍ പ്രതികളെയും അന്വേഷണ ഉദ്യോഗസ്ഥര്‍ പിടികൂടി.
പെരിങ്ങോട്ടുകര സ്വദേശി പുളിപ്പറമ്പി ല്‍ വീട്ടില്‍ ഇഗ്‌നേഷ്, ചേര്‍പ്പ് പല്ലിശേരി തൈക്കൂട്ടത്തില്‍ വീട്ടില്‍ സന്ദീപ്, ചെമ്മാപ്പിള്ളി സ്വദേശി പോലുംതറവാട്ടില്‍ വീട്ടില്‍ വിനില്‍ എന്നിവരെയാണ് ജില്ലാ പോലിസ് മേധാവി കെ കാര്‍ത്തിക്, ഇരിങ്ങാലക്കുട ഡിവൈഎസ്പി എസ് ടി സുരേഷ്‌കുമാര്‍, ചേര്‍പ്പ് സിഐ എന്‍ കെ സുരേന്ദ്രന്‍ എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്.
കേസിലെ മറ്റു പ്രതികളായ ഷാഫി, സനല്‍, സ്മിത്ത് എന്നിവരെ നേരത്തെ അന്വേഷണ ഉദ്യോഗസ്ഥര്‍ അറസ്റ്റ് ചെയ്തിരുന്നു. ഇവര്‍ അറസ്റ്റിലായതായതോടെ ഒളിവില്‍ പോയ ബാക്കി പ്രതികളെ ചേര്‍പ്പ് ശങ്കരംപാടത്തു നിന്നാണ് പോലിസ് പിടികൂടിയത്. കൊലപാതകം ആസൂത്രണം ചെയ്ത പ്രതികളുടെ കയ്യില്‍ നിന്നു പോലിസ് പിടിച്ചെടുത്ത ആയുധങ്ങള്‍ ഇവര്‍ സ്വയം നിര്‍മിച്ചതാണ്.
ദീപക് വധത്തിന്റെ ഒരു വര്‍ഷം തികയുന്ന ഈമാസം 24നു മുമ്പ് പ്രതികാരം നടപ്പാക്കാനാണ് പ്രതികള്‍ തീരുമാനിച്ചിരുന്നതെന്ന് അന്വേഷണ ഉദ്യോഗസ്ഥര്‍ പറഞ്ഞു. കേസില്‍ ഉന്നതരുടെ ബന്ധം ഉണ്ടോ എന്ന കാര്യം അന്വഷിച്ച് വരികയാണെന്ന് ചേര്‍പ്പ് സിഐ എന്‍ കെ സുരേന്ദ്രന്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക