|    May 28 Sun, 2017 12:31 pm
FLASH NEWS

കൊടുംചൂട്: കന്നുകാലികള്‍ ചത്തൊടുങ്ങുന്നു

Published : 30th April 2016 | Posted By: SMR

നരിക്കുനി: വേനല്‍ച്ചൂട് കനത്തതോടെ നരിക്കുനിയിലും പരിസര പ്രദേശങ്ങളിലും കന്നുകാലികള്‍ ചത്തൊടുങ്ങുന്നു. ഈയിടെ ആറു പശുക്കളാണ് ചത്തത്. ശരീരത്തിലെ ജലാംശം നഷ്ടപ്പെട്ടാണ് കന്നുകാലികള്‍ ചത്തൊടുങ്ങുന്നത്. 10 ലിറ്റര്‍ പാല്‍ ലഭിച്ചിരുന്ന പാറന്നൂര്‍ ചാലിയേക്കര സദാനന്ദക്കുറുപ്പിന്റെ 30,000 രൂപയോളം വിലയുളള പശു, കോറോത്തന്‍കണ്ടി അബൂബക്കറിന്റെ 14 ലിറ്റര്‍ പാല്‍ ലഭിച്ചിരുന്ന 35,000 രൂപയോളം വിലയുള്ള മൂന്ന് പശുക്കള്‍, പാറന്നൂര്‍ പള്ള്യാറക്കുന്നുമ്മല്‍ യശോദയുടെ പശു, പൂമഠത്തില്‍ കുഴി മീത്തല്‍ സാമിയുടെ ഗര്‍ഭിണിയായ പശു എന്നിവയാണ് കഴിഞ്ഞ ദിവസങ്ങളില്‍ ചത്തത്. മൃഗസംരക്ഷണ വകുപ്പ് അധികൃതര്‍ക്കും മറ്റും നഷ്ടപരിഹാരത്തിനായി അപേക്ഷ നല്‍കി കാത്തിരിക്കുകയാണ് ഉടമകള്‍.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day