|    Jan 24 Tue, 2017 4:53 pm
FLASH NEWS

കൊടികുത്തിമല ടൂറിസം പദ്ധതി; വനഭൂമിയിലൂടെയുള്ള റോഡ്: നടപടിപൂര്‍ത്തിയായതായി മന്ത്രി അലി

Published : 5th December 2015 | Posted By: SMR

മലപ്പുറം: കൊടികുത്തിമല ടൂറിസം പദ്ധതി പ്രദേശത്തേയ്ക്ക് വനഭൂമിയിലൂടെയുള്ള റോഡ് നിര്‍മാണത്തിന് എല്ലാ നടപടികളും പൂര്‍ത്തിയായതായി മന്ത്രി മഞ്ഞളാംകുഴി അലി പറഞ്ഞു. 2016 ജനുവരി 31 നകം റോഡ് നിര്‍മാണം പൂര്‍ത്തിയാവും. ഒന്നേമുക്കാല്‍ കി.മീ റോഡിന് 67 ലക്ഷം രൂപയാണ് മാറ്റിവച്ചത്. അമ്മിനിക്കാടുനിന്ന് വനഭൂമിവരെയുള്ള റോഡ് നിര്‍മാണം നേരത്തേ പൂര്‍ത്തിയായിട്ടുണ്ട്. 6 കോടി രൂപ എസ്റ്റിമേറ്റില്‍ പൊതുമരാമത്ത് വകുപ്പാണ് റോഡ് നിര്‍മാണ പ്രവൃത്തി പൂര്‍ത്തീകരിച്ചത്.—ഈ റോഡ് നിര്‍മാണത്തോടൊപ്പം ഇക്കോടൂറിസം പദ്ധതിയുടെ നിര്‍മാണ പ്രവൃത്തിയും ആരംഭിക്കാനാവും. അതിന്റെ ടെണ്ടര്‍ നടപടികള്‍ പുരോഗമിച്ചുവരികയാണ്. ഇതിന്റെ പ്രാരംഭ പ്രവര്‍ത്തനങ്ങള്‍ക്കായി മൂന്ന് കോടി രൂപയുടെ ഭരണാനുമതി നേരത്തെ നല്‍കിയിട്ടുണ്ടെന്ന് മന്ത്രി മാഞ്ഞളാംകുഴി അലി പറഞ്ഞു. —അടിസ്ഥാന സൗകര്യങ്ങള്‍ പരിമിതമായിട്ടും ഇപ്പോള്‍തന്നെ ഒട്ടേറെ പേര്‍ കൊടികുത്തിമലയുടെ സൗന്ദര്യം ആസ്വദിക്കാന്‍ ദിനേന എത്തുന്നുണ്ട്. പദ്ധതി പൂര്‍ത്തിയാവുന്നതോടെ ഒട്ടേറ പേരെ ആകര്‍ഷിക്കാന്‍ കഴിയുന്ന മലബാറിലെ ഒരു പ്രധാന ടൂറിസം കേന്ദ്രമായി കൊടികുത്തിമല മാറുമെന്നും മന്ത്രി പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 97 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക